شهدت الساعات القليلة الماضية مشادة عنيفة بين أحمد حسام ميدو المدير الفني السابق لفريق الكرة الأول بنادي الزمالك مع أحمد حسن كوكا لاعب نادي كونيا سبور التركي عبر مواقع التواصل الإجتماعي.
خناقة ميدو وأحمد حسن كوكا
البداية كانت مع الإشادة التي نالها كوكا من أحد الصحفيين المصريين والذي كتب عبر حسابه على تويتر :” في الحقيقة أحمد حسن كوكا عامل مسيرة احترافية مميزة جدًا.. النهاردة أحرز هدفه ال٩٩ في الملاعب الأوروبية وهو ثاني الهدافين من المصريين المحترفين في الخارج بعد محمد صلاح والثالث من حيث عدد البطولات بعد محمد النني وصلاح وأرقام تانية كثيرة مميزة .. كل التحية لمسيرته”.
ليرد عليه ميدو :” مهاجم متواضع لا يصلح للمستوى الدولي حتى ولو احرز ١٠٠٠ هدف وهو ما فتح باب الرد للاعب أولمبياكوس اليوناني السابق الذي قال :” مهاجم متواضع؟ اولا هو انت اصلا مين طلب رأيك؟ ثانيا انت مبطل كوره وانت عندك ٢٩ سنه و كل الناس عارفه ليه ثالثا لو رقم الاهداف الي انا جايبه شايفه قليل ماجبتوش انت ليه? مع ان الي بيلعب في نادي اكبر فرصه بتكون اكتر في التسجيل رابعا حاولت تبقي مدرب و مبتكملش شهر في اي نادي
وأضاف كوكا :” خامسا بتحاول تبقي اعلامي و تتكلم عن ده وده عشان تبقي تريند بأي شكل ، اي حاجه عايز تدخل فيها ، ده حتي صلاح في اول مشواره كنت بتتكلم عليه وحش ، الحقد عالي اوي عندك من زمان وانت بتتكلم وحش عني”.
فيما كان الرد الأخير من جانب ميدو :” عمري ماروحت المنتخب علشان مناسب حد مهم..انت عارف كويس انت كنت بتروح المنتخب لسه..رد في الملعب حاول تروح المنتخب..انت لاعيب تعبان وكل مؤهلاتك نسبك وانت عارف كويس .
التعليقات