تحدث الإعلامي أحمد حسام ميدو نجم الكرة المصرية عن تعادل النادي الأهلي سلبيا مع نظيره الجونة ووجة رسالة خاصة للاعبيه بعد هذه النتيجة المخيبة والأداء الذي ظهروا به وتحملهم المسؤولية وأن ريكاردو سواريش ليس له علاقة بالأمر.
ميدو يهاجم الأهلي بعد التعادل
وقال ميدو: “مسؤولو الأهلي اتعاقبوا بسبب تأجيل المباريات، والأهلي كان ممكن يكسب الجونة وهو نايم على السرير لو كان الماتش ده اتلعب في ميعاده”.
وأضاف: “مسؤولو الأهلي كانوا بيحاولوا يكونوا أذكياء، وفاكرين إن التأجيل هيفيد، لكن كرروا غلط الموسم اللي فات، أنا النادي الأهلي، ألعب في ضغط ماتشات، طب ما كدة كدة الماتشات دي هتتلعب وهتتلعب تحت ضغط بعد التأجيل”.
وتابع: “الأهلي بيعيد نفس أخطاء الموسم الماضي بتوصية من نفس الأشخاص والمسؤولين، وبرضوخ من نفس الجهات والنتيجة نزيف نقاط كان ممكن عادي جدا بكل بساطة ميخسرش النقاط دي”.
ميدو يوجة رسالة خاصة للاعبي الأهلي
وواصل حديثه: “الترزي خسر الأهلي الدوري السنة اللي فاتت مع رجولة لاعيبة الزمالك، اعرفوا انتوا بقى مين الترزي اللي بيفصل الماتشات”.
واختتم حديثه: “الترزي اللي بيفصل للأهلي خد مقاستكوا غلط، والبدلة طلعت ضيفة عليكوا، وده حصل السنة اللي فاتت، والسنة دي الترزي لسة بيورطكوا وعمل مقاس البدلة غلط والكلام واضح شوفوا مين الترزي اللي ورط الأهلي وخلاه يفقد نقاط كتير في الدوري بعد تأجيل مبارياته”.
ويحتل المارد الأحمر المركز الثالث بجدول ترتيب الدوري المصري الممتاز برصيد 45 نقطة.
التعليقات