هي أسعار الفضة عاملة كام اليومين دول، ورايحة على فين الفترة الجاية، وبالنسبة لعشاق الفضة أو اللي بيدوروا على بديل شيك للدهب وفي نفس الوقت سعره أرخص، فينزلوا يشتروا امته.. هنقولك كل التفاصيل في التقرير  ده. 
 

أسعار الفضة في السوق المصري، شهدت حالة من الاستقرار خلال تعاملات آخر 48 ساعة، واستقرت الأوقية في البورصة العالمية.

وبالفعل، وصل سعر جرام الفضة عالميا عيار 800 عند مستوى 41 دولار، في حين استقرت الأوقية عند مستوى 30.57 دولار.

أما بالنسبة للأسعار المحلية في مصر، فسجل سعر جرام الفضة عيار 999 سجل 51.25 جنيه، وعيار 925 نحو 47.50 جنيه، في حين سجل الجنيه الفضة ( عيار 925) مستوى 380 جنيهًا.

وكانت أسعار الفضة، اتراجعت بنسبة 4.7% وبقيمة جنيهين خلال تعاملات شهر نوفمبر اللي فات، وافتتح جرام الفضة عيار 800 التعاملات عند مستوى 43 جنيه، وارتفع لمستوى 44 جنيه، ثم تراجع لمستوى 29 جنيه، واختتمت التعاملات عند مستوى 41 جنيه.

في حين، اتراجعت الأوقية في البورصة العالمية بنسبة 8.6 % وبنحو 2.88 دولار، وافتتحت التعاملات عند مستوى 33.47 دولار، ولامست مستوى 29.65 دولار، واختتمت التعاملات عند 30.59 دولار.

ونقدر نقول إن في أسباب كتير ورا استقرار أسعار الفضة العالمية واللي تبعتها الأسعار المحلية في مصر والأسواق والتانية، واللي أولها سياسة ترامب التجارية والداعمة لتعزيز قوة الدولار.

وده معناه، إن كان في بعض الضغوط على أسعار الفضة، لكن التوترات الجيوسياسية مثلت قوة داعمة في المقابل، لأن المستثمرين بيتجهوا للملاذات الآمنة للتحوط ضد عدم اليقين الاقتصادي والسياسي، ومن هنا بيتم رفع الطلب على الدهب والفضة من جديد، خاصة مع تزايد الرهانات حول خفض الفيدرالي الأمريكي لأسعار الفائدة بنحو 25 نقطة أساس في اجتماع منتصف الشهري الجاري.

ومن المتوقع في الفترة الجاية، إن أسعار الفضة ترتفع بفعل ارتفاع الطلب.

كمان، تزايد التوترات الجيوسياسية، مع ضعف الاقتصاد الأمريكي، بيعزز من جاذبية الفضة كاستثمار للتحوط ضد التضخم وانخفاض قيمة العملة، وبالفعل سجلت الأوقية أعلى مستوى من بداية العام عند 34.86 دولار، لكن بيظل أعلى مستوى في أكتوبر 2012 عند 35.40 دولار.

ونقدر نقول، إن الطلب الصناعي بيمثل أحد عوامل قوة الفضة، خاصة قطاع الطاقة المتجددة زي الألواح الشمسية والإلكترونيات وغيرها، وكمان، توجه دول مجموعة البريكس للفضة ساهم في ارتفاع الطلب عليها، وده في إطار سياسة التخلي.

ونقدر نقول كمان إن أسعار الفضة في الأيام الجاية، رايحة على ارتفاع، فلو ناوي تشتري ماتتردش وانزل اشتري فورا.

وأخيرا، قبل ما تشتري الفضة، هنقولك على شوية نصايح عشان مايضحكش عليك، واللي أولها إن حضرتك تتأكد من وجودة علامة مصلحة الدمغة والموازين عليها، وكمان تشتري من ماركة معروفة، وماتنساش تسلم فاتورة مكتوب فيها سعر الجرام واسم الشركة ووزن السبيكة.

وياريت تشتري السبايك بدل المشغولات لأنها أفضل في الادخار، وماتنساش تاخد فاتورة باللي اشتريته عشان تضمن حقك كويس.