مصر عندها خطة كبيرة لتعظيم ايرادات السياحة وهيا الوصول لتحقيق 30 مليون سائح وتحقيق 30 مليار دولار من القطاع في سنة 2028، بس في حتة مهمة جدا الدولة مركزة عليها وهيا السياحة العلاجية.. ياتري الحكومة بتعمل اية في الحتة دي.. ويعني اية سياحة علاجية وازاي مصر هتستفاد منها
 

شاهد الفيديو من هنا 

الظروف اللي بتمر بيها منطقة الشرق الاوسط واللي كان لها تاثير مباشر جدا علي مصادر دخل دولاري لمصر واولهم قناة السويس واللي ايراداتها اثارت باكثر من 60% بسبب حالة التوتر السياسي في حركة الملاحة البحرية بالبحر الأحمر ، والضربات اللي بتنفذها جماعة الحوثي علي بعض السفن واللي بسببها نسبة كبيرة من سفن التجارة العالمية حولت خط سيرها لطرق بديلة لتفادي الضربات دي.
الظروف اللي حصلت في حركة الملاحة خلت الدولة تدور علي مجالات وطرق تانية علشان تكون مصادر دخل رئيسية للعملات الاجنية لمصر أولهم طبعا قطاع السياحة واللي مصر بتبص له بصمة مختلفة، وشايفة أن قطاع السياحة ممكن يكون في المحرك الرئيسي للاقتصاد المصري في وقت من الأوقات خصوصا أن مصر عندها معالم سياحية واثرية مش موجودة ف أي دولة في العالم، واغلب الناس حوالين العالم بيحلموا باللحظة اللي هينزلوا فيها مصر علشان يشوفوا عظمة الاجداد المصريين والحضارة المصرية القديمة.
طيب الحكومة بتعمل اية علشان تعظم حركة السياحة اللي جاية مصر ؟.
الحكومة حاليا شغالة علي اكثر من حاجة علشان تزود اعداد السائحين اللي جايين مصر وخطة خطة مكبرة لزيادة أعداد السائحين اللي جايين مصر ، وحاليا الحكومة بتستهدف الوصول لـ30 مليون سائح في 2028 وتحقيق 30 مليار دولار عوائد من القطاع، وعملت الحكومة شغل جامد جدا في قطاع السياحة الثقافية من خلال تطوير المواقع والمزارات الآثرية، وتطوير التجربة والخدمات السياحية اللي بتقدم للسائحين في مختلف المواقع الآثرية؟، وكمان فتحت ورممت مواقع اثرية كتيرة جدا في مختلف محافظات الجمهورية وفتحتها للزيارة، علشان تبدأ تستقبل سائحين وتكون سببب اساسي في زيادة حصيلة مصر من قطاع السياحة.

قطاع السياحة العلاجية واحد من القطاعات اللي الحكومة شغالة فيه بكل قوة، خصوصا أن مصر عندها مقومات كتيرة هتستاعدها علي النجاح في القطاع ده أولهم المناخ الصحي اللي مفيش زيه علي مستوي العالم، ده غير توفير المناطق الاستشفائية في المحافظات المصرية زي ينابيع المياه المعدنية وحمامات المياه الكبريتية والطين والرمال الساخنة، والحاجات دي هتخلي مصر  وجهة مفضلة للسياحة العلاجية على مستوى العالم، ده غير كمان المنشآت الصحية واللي معروفة بجودة العالية والكوادر الطبية المؤهلة اللى مصر تقدر تنافس بيهم عالميا.

في الفترة اللي فاتت مصر استقبلت طلبات كتيرة من المستثمرين لتخصص أراضي لاقامة مشروعات في مجال السياحة العلاجية في مختلف محافظات الجمهورية خصوصا واحة سيوة،  وكمان الحكومة أنتهت من إطلاق استراتيجية السياحة العلاجية واللي قائمة علي تعظيم دور مصر في السياحة العلاجية، واللي هتفتح مصر قدام كل دول العالم للدخول لمصر لتلقي العلاج، خصوصا الدفن بالرمال واللي بتعالج اصعب امراض العظام المستعصية .