سؤال مهم بيجي في بال ناس كتير.. يا ترى أفتح حساب جاري ولا حساب توفير؟ طيب إيه الفرق بينهم أصلًا؟ وأي واحد فيهم يناسب احتياجاتك؟ لو عايز تعرف الإجابة على كل ده بطريقة بسيطة وسهلة ركز معانا لآخر الفيديو وهنقولك كل حاجة خطوة بخطوة علشان لما تختار تختار الصح
في الأول كده لازم نقولك يعنى ايه حساب جارى ويعنى ايه حساب توفير .. والحساب الجاري هو الحساب اللي بتستخدمه لإدارة معاملاتك اليومية زي الإيداع السحب ودفع الفواتير.. ومن مميزات الحساب الجاري انك ممكن ممكن تسحب وتودع فلوسك زي ما تحب ومن غير أي قيود.. كمان البنك بيديك كارت ديبت عشان تقدر تسحب فلوسك من الـATM أو تدفع في أي مكان.. و لو بتتعامل بالشيكات الحساب الجاري هو الأنسب ليك.. وغالبًا الحساب الجاري مفيهوش فوايد على المبلغ اللي جوه
طب الحساب الجاري ده مناسب أكتر لمين؟
مناسب للناس اللى بتحتاج تعاملات مالية كتير يوميا زي أصحاب الأعمال الحرة أو الناس اللي عندهم مشاريع صغيرة ولو عايز تدير مصاريفك الشهرية بسهولة.
طب وحساب التوفير؟
حساب التوفير ده الحساب اللي الناس بتفتحوا لما يكونوا عايزين يحوشوا فلوس ويحصلوا على عائد عليها.. ومن أهم مميزاته ان البنك بيديك عائد على المبلغ اللي موجود في الحساب.. وهيكون مناسب لو بتخطط لمستقبل معين زي تعليم الأولاد أو شراء حاجة كبيرة و في بعض البنوك بيكون فيه قيود على عدد مرات السحب شهريا وممكن تضيف فلوس في أي وقت عشان تزود العائد
طب حساب التوفير ده مناسب لمين؟
مناسب لو عندك مبلغ عايز تحوشه وتاخد عليه فايدة.. أو لو بتفكر في المستقبل وتخطيط مالي طويل الأجل ولو عايز تحافظ على فلوسك بعيد عن الإنفاق اليومي.
طب إيه الفرق بين الحساب الاري وحساب التوفير؟
الفريق الأساسي ان الحساب الجاري ما عليهوش فوايد والتوفير عليه عدد عمليات السحب محدودة فى التوفير ببعض البنوك ومفتوحة فى الحساب الجاري والمصاريف الادارية بتكون أعلى شوية فى الجارى وأقل فى التوفير
طب إزاي تختار الصح؟.. لو فلوسك هتتحرك كتير الحساب الجاري هو الأنسب ليك.. ولو عايز تحوش فلوس وتستفاد بعائدروح على حساب التوفير.. ولو عندك احتياجات مختلفة ممكن تفتح الاتنين وتستخدم كل واحد حسب احتياجاتك.
بكده تكون عرفت الفرق بين الحساب الجاري وحساب التوفير والقرار بقى سهل.. اختار اللي يناسبك بناءً على احتياجاتك وأولوياتك
0 تعليق