العامل المصري معروف في اي حتة في العالم، وعليه الطلب من كل دول العالم... ودي اللي خلي السعودية تطلب دفعة جديدة من العمال المصريين برواتب ولا في الخيال.. لو عايز تعرف كل تفاصيل الوظايف الجديدة شوف الفيديو ده معانا للآخر.

العمالة المصرية بالخارج واحدة من قوة مصر الناعمة واللي الدولة المصرية بتعتمد عليهم بشكل كبير في رسم السياسة الخارجية لمصر في الخارج، واللي مع مرور الوقت اصبحوا واحد من اهم مصادر الدخل القومي المصري من العملات الأجنبية، واللي حاليا بقوا رقم واحد  في توفير النقد الأجنبي بالبنك المركزي والارقام اللي اعلن عنها البنك المركزي واللي وصلت لـ20.8 مليار دولار في أول 9 شهور من 2024 بتأكد الكلام ده.

مصر في الوقت الحالي عرفت قيمة وأهمية العاملين المصريين بالخارج وتأثيرهم في الاقتصاد المصري، وتاثيرهم في رسم السياسة الخارجية المصرية وعلاقتنا مع كل دول العالم، علشان كده الحكومة بدأت تفتح لهم ابواب رسمية كتيرة للسفر الي الخارج بعقود عمل حقيقية علشان تحميهم من أنهم يكونوا ضحايا نصب ولا يكونوا ضحايا غرق علي مركب هجرة غير شرعية في عرض البحر علشان يدخلوا دولة أوربية ويعيشو وياكلوا لقمة عيش فيها، وفعلا وزارة العمل علي مدار الشهور اللي فاتت وفرت عدد كبير من فرص العمل للشباب المصري في أكثر من دولة خارجية علشان يخرج بطريقة رسمية تحفظ كرامته وفلوسة وتحفظ حقوقه لو لا قدر الله تعرض لمشكلة أو أي ظرف وهو برا.

طيب اية المفاجاة اللي الحكومة مجهزها للشباب؟.
الحكومة ممثلة في وزارة العمل اعلنت عن توفير فرص عمل جديدة للمصريين في السعودية برواتب هتوصل لـ15 الف ريال سعودي، أيوة زي ما سمعت كتيرة 15 الف ريال سعودي، والوظايف المطلوبة هيا محاسبين يكونوا عندهم خبرة لشركات مقاولات هيشتغلوا في مشاريع بنية تحتية ، ومهندسين ميكانيكا مشتريات هيشتغلوا في محطات معالجة المياه، ومهندسين مدني خبرة من 5 إلى 15 سنة، ومهندسين كهرباء متخصصين في محطات معالجة مياه الصرف الصحي خبرة من 5 إلى 15 سنة.

وزارة العمل قالت كمان أن الشركات السعودية هتوفر للعاملين المصريي سكن مجاني وتذاكر طيران ذهاب وعودة وإقامة في المنشآت اللي هيتشغلوا فيها ده غير تأمين صحي شامل عليهم، وكمان هتوفر لهم بيئة عمل آمنة بتتوافق مع أعلى معايير السلامة المهنية والصحية، وهتقدم للمتفوقين منهم فرص للترقي في الوظايف هناك، ده غير أنها هتعمل لهم ورش عمل لتدريبهم علي احدث التكنولوجيا في المجالات اللي هيشتغلوا فيها علشان تنمي قدراتهم في العمل .

وزارة العمل طالبت الناس اللي عايزين يقدموا للمنافسة علي الوظايف الجديدة إرسال السيرة الذاتية ليهم وجواز السفر ساري، ومؤهل وشهادة الخبرة علي البريد الألكتروني للوزارة، وفترة التقديم هتبدأ من من النهاردة الأحد ولمدة 10 أيام، وأن التقديم علي الوظايف الجديدة كله مجاني العمل وبدون أي واسطة علشان الحكومة تضمن توفير الفرصة لكل الناس اللي هتقدم زي بعض بدون اي تحيز لأي واحد علي التاني .