من يوم ما أطلق الرئيس عبد الفتاح السيسي رؤيته لبناء الجمهورية الجديدة، وعجلة العمل مابتققش في كل أنحاء الجمهورية، وبالفعل الرؤية دي اترجمت لمشروعات عملاقة خاصة في البنية التحتية، وكان على رأسها مشروعات النقل، اللي نالت النصيب الأكبر.

كمان، القيادة السياسية والحكومة المصرية بتولي إهتمام غير مسبوق بقطاع النقل، وده لأنه الشريان الرئيسي اللي بتبنى على أساسه كل برامج التنمية الأقتصادية والأجتماعية بالبلاد.

عشان كده، وزارة النقل بتنفذ خطة شاملة لتطوير وتحديث عناصر المنظومة، واللي أهمها شبكات الطرق والكباري.

طب يا ترى إيه اللي حصل في قطاع الطرق والكباري خلال ال 10 سنين من حكم الرئيس عبدالفتاح السيسي؟

بص يا سيدي، الحكومة ممثلة في وزارة النقل قدرت تنفذ المشروع القومي للطرق ؤ وده عشان تربط شبكة الطرق بخطط التنمية الاجتماعية والاقتصادية للدولة، وكمان تعزز فرص التكامل الاقتصادي مع الدول المجاورة على طول المحاور الرئيسية بين الشرق والغرب وبين الشمال والجنوب.

وكمان المشروع ده، بيحقق الاستغلال الأمثل لثروات مصر القومية، عشان الطرق هتخدم على مناطق التعدين والسياحة والمساهمة في الخروج من الوادي الضيق 
وتعمير مناطق جديدة في الصحراء الغربية وشمال سيناء وخدمة مناطق التنمية الزراعية، وده بالإضافة لزيادة حجم المنقول من البضائع بين مراكز النشاط الاقتصادي المختلفة داخل الجمهورية وكذلك خفض أزمنة الرحلات، وكل ده طبعا له من مردود إيجابي في تكلفة التشغيل، وكمان هيوفر مبلغ 8 مليار دولار سنوياً ثمن المحروقات والوقود اللي قتتحمله الدولة نتيجة الإختناقات المرورية.

وبالفعل، تم التخطيط لإنشاء طرق جديدة بإجمالي أطوال 7000 كم بتكلفة 175 مليار جنيه، وتم الإنتهاء من تنفيذ 6300 كم منها بتكلفة 155 مليار جنيه، وجاري العمل في 700 كم.

كمان، تم التخطيط لتطوير و ازدواج ورفع كفاءة 10 آلاف كم من شبكة الطرق الحالية بتكلفة 130 مليار جنيه، وتم الإنتهاء من تنفيذ 8400  كم منها بتكلفة 110 مليار جنيه وجاري العمل في 1600 كم.

ومن أهم الطرق التي تم إنشائها والإنتهاء منها، هي الطريق المزدوج كفر الشيخ – دسوق ( المرحلة الأولي بطول 10 كم ) وتكلفة 1 مليار جنيه، وكمان تم إنشاء الطريق المزدوج طنطا – السنطة – زفتي ( المرحلة الأولي بطول 11 كم ) وتكلفة 980 مليون جنيه.

ضيف على ده، إن تم إنشاء الطريق الدائري الأوسطي بطول 156 كم وتكلفة 5 مليار جنيه، وكمان طريق هضبة الجلالة بطول 117 كم وتكلفة 4,4 مليار جنيه، وطريق سيوة – جغبوب بطول 90 كم وتكلفة 420 مليون جنيه، وكل ده بجانب طريق الداخلة – شرق العوينات بطول 275 كم وتكلفة 6,5 مليار جنيه، وإنشاء طريق توشكي – شرق العوينات بطول 359 كم وتكلفة 6,5 مليار جنيه .

وقايمة الطرق الجديدة شملت كمان إنشاء طريق شبرا – بنها الحر بطول 40 كم وتكلفة 3,5 مليار جنيه، وطريق بني سويف – الزعفرانة بطول 158 كم وتكلفة 4,2 مليار جنيه، ومحور الزقازيق – السنبلاوين الحر بطول 38 كم وتكلفة 2,2 مليار جنيه.

ده كان بالنسبة للطرق الجديدة اللي اتعملت، كمان في طرق تم تطويرها ورفع كفاءتها، زي تطوير وازدواج طريق الصعيد الصحراوي الغربي في المسافة من القاهرة حتى القوصية بطول290 كم بتكلفة 10,4 مليار جنيه والمسافة من ادفو الي أسوان بطول 87,5 كم بتكلفة 890 مليون جنيه، و كمان تم تطوير وازدواج طريق أسيوط – سوهاج ( شرق النيل ) بطول 145 كم ووصلاته بتكلفة 1,35 مليار جنيه .
3- تطوير وازدواج طريق سفاجا – مرسي علم بطول 200 كم وتكلفة 1,7 مليار جنيه، وتطوير وازدواج طريق 6 أكتوبر – الواحات بطول 283 كم وتكلفة 2,2 مليار جنيه .

وده بالإضافة لتطوير وازدواج طريق اسيوط – سوهاج - قنا – الأقصر الصحراوي الشرقي بطول 300 كم وتكلفة  2,9 مليار جنيه، وتطوير وتوسعة الطريق الدائري حول القاهرة الكبري ( المرحلة الأولي بطول 76 كم ) وتكلفة 11,2 مليار جنيه، وكمان طريق المعاهدة ( السويس – الإسماعيلية ) بطول 80 كم وتكلفة 2,2 مليار جنيه، وغيرها زي ازدواج طريق المنصورة – دمياط الشرقي، تطوير طريق القاهرة – الإسكندرية الصحراوي بطول 180 كم وتكلفة 2,5 مليار جنيه، وكمان تطوير طريق القاهرة – السويس الصحراوي من الطريق الدائري / الدائري الإقليمي / وصلة النفق، وتطوير الطريق الساحلي الدولي من كم 21 حتي كم 101 بطول 80 كم وتكلفة 2 مليار جنيه، وطريق طابا / نويبع، ومحور أبو ذكري، وطريق الفرافرة – الداخلة، وطريق القاهرة – الإسماعيلية – بورسعيد، وطريق دهب - نويبع.

وخطة تطوير الطرق والكباري ماوقفتش على كده، لأ ده كمان تم تنفيذ محاور على النيل عشان تكون بديلة للمعديات اللي كانت بتاخد طلاب المدارس وتنزل بيها في الترعة، لكن العصر ده انتهى خلاص، لأن في عهد الرئيس السيسي، تم تنفيذ 18 محور على نهر النيل
كل ده بجانب تنفيذ كباري علوية وأنفاق بعدد 945 كوبري ونفق تم تنفيذها بتكلفة 132 مليار جنيه.

ده غير الطرق المحلية داخل المحافظات، واللي تم تطوير عدد كبير منها، وأهمها رفع كفاءة 38 ألف كم من شبكة الطرق المحلية داخل المحافظات منها حوالي ٥٠٠٠ كم تم تنفيذها  باستخدام  تقنية إعادة تدوير طبقات الرصف عشان نوفر التكلفة، وكمان في طرق كتيرة اتنفذت ضمن مبادرة حياة كريمة في كل المحافظات.

وكل ده طبعا بيسهل حياة المواطنين، وبينعكس يشكل إيجابي على التنمية المستدامة.