حوالي 11 مليون مواطن مصري بيستخدموا تطبيق "انستا باي" لتحويل الفلوس وتسهيل المعاملات المالية، ورغم النجاح الكبير للتطبيق ده في تسهيل حياة الناس، إلا أن البعض ساعات بيغلط ويحول فلوس بالغلط.
طب إزاي تتفادى إنك تحول فلوس بالغلط عن طريق "انستا باي"؟
بص يا سيدي، تحويل الفلوس بالخطأ عبر إنستاباي، هي مشكلة كبيرة بيقع فيها مستخدمين كتير للتطبيق، فبيواجهوا عقبة في استرداد الفلوس دي، وده دفع البنك المركزي لتحديث التطبيق عشان يضمن للعميل عدم الوقوع في المشكلات دي.
عشان كده، البنك المركزي أتاح خدمة تحويل الأموال وسداد الفواتير عبر استخدام رابط الدفع Payment Link الخاص بحساب العميل، عشان يمكنه من استخدام رمز الاستجابة السريع QRcode؛ لضمان تحويل الأموال إلى المحفظة أو الحساب المراد التحويل له، وكل ده بيضمن التأكد من عدم تحويل الفلوس بالغلط عن طريق إنستاباي.
ومن خلال رابط الدفع Payment Link أو وإرسال رمز الاستجابة السريع QRcode، بيقدر العميل يستخدم اللينك أو الرابط المرسل له من المتلقي للتحويل، وبيتضمن اللينك جميع البيانات الخاصة بالعميل بدون الحاجة لكتابة أي معلومات تانية، بخلاف تحديد المبلغ المطلوب وإرساله وتأكيد عملية التحويل بعد إدخال كلمة المرور.
وكان البنك المركزي المصري، أعلن مؤخرًا عن إطلاق خدمة تحويل الأموال عبر التطبيق للمصريين في الخارج، ومن خلاله وبطريقة سهلة جدا بيتم استقبال الحوالات الواردة بأي عملة أجنبية، وبعد كده تحويلها للجنيه المصري في حساباتهم بشكل لحظي.
كمان، ولو هتحول فلوس من خارج مصر، ففي طريقة سهلة بيتم استقبال الحوالات الواردة بأي عملة أجنبية مع تحويلها للجنيه المصري في حساباتهم بشكل لحظي، والخدمة دي أطلقها البنك رسميًا، وشغالة في أي وقت وعلى مدار الأسبوع.
كمان، خدمة استقبال التحويلات الخارجية إلكترونيًا هتتيح للعملاء تحويل الأموال من الخارج لداخل مصر.
طب يا ترى هل الخدمة الجديدة دي خضعت لاختبارات تشغيلية قبل الإطلاق الرسمي؟
طبعا، البنك المركزي أطلق خدمته الجديدة دي بعد التشغيل التجريبي لها للتأكد من الخدمة، وراقب كويس الالتزام بتراخيص التشغيل والموافقات اللازمة للبنوك العاملة ضمن النظام المصرفي المصري مع تفعيلهم لتلك الخدمة واستقبال الحوالات المالية الواردة من الخارج مع إضافتها لحظيًا لحساب العميل بكل البنوك، عبر استخدام شبكة المدفوعات اللحظية "انستا باي".
وممكن أي عميل في أي دولة في العالم يعمل كده، بتنفيذ خدمة تحويل الأموال عبر التطبيق من أي بنك أجنبي، بشرط ألا يكون على تلك الدولة عقوبات دولية بتحظر تبادل المعاملات المصرفية.
وبتقوم البنوك في مصر بتحويل أي عملة واردة عبر إنستاباي، زي الدولار واليورو والجنيه الإستراليني والريال السعودي والدرهم الإماراتي والدينار الكويتي وغيرها إلى ما يعادل سعر صرف الجنيه في حساب العميل، يعني ماتقلقش تحويلاتك وفلوسك في أمان.
0 تعليق