قطاع التعليم واحد من القطاعات اللي كانت شبه غير موجودة في عهد الرؤساء اللي فاتوا علي مصر، بس في عهد الرئيس السيسي الامور اتغيرت 180 درجة .. ياتري ايه اللي عملته الدولة علشان تطور التعليم.. ووصلنا لفين في ترتيب التعليم عالميا دلوقتي
الثورة الحقيقية في اي بلد في العالم بتكون قايمة بشكل كامل علي التعليم، واي دولة مفهاش تعليم مش هيكون عندها تقدم ولا نهضة في كل المجالات، ومفيش حضارة بدون تعليم، وده اللي انتبهت له القيادة السياسية علي مدار الـ10 سنين اللي فاتوا من بداية تولي الرئيس عبدالفتاح السيسي حكم الجمهورية الجديدة، واللي عطي اهتمام خاص بقطاع التعليم، وحصلت توثرة تعليمية في مصر استحالة كانت موجودة قبل كده
طيب اية هيا تكليفات القيادة السياسية للحكومة علشان نطور التعليم؟.
بداية الثورة في تعديل نظام التعليم بدأت في مصر بتغيير المناهج التعليمية بداية من مرحلة رياض الأطفال لحد الصف الخامس الابتدائي لحد المرحلة الثانوية، وكمان الدولة دشنت منصات مزودة بكم كبير من المواد التعليمية من مصادر معتمدة لخدمة مختلف المراحل الدراسية وده بهدف تحفيز الطلاب على استخدام كل الوسائل التكنولوجية الحديثة للتزود بالمعارف والمهارات المطلوبة للتعليم.
وزارة التربية والتعليم والتعليم الفني في عهد الرئيس عبد الفتاح السيسي اطلقت عدد كبير من القنوات المدرسية التعليمية اللي شغالة بأحدث النظم،واللي لاقت اقبال كبير من طلاب المدارس بمختلف مراحلهم الدراسية لمتابعة الدورس والحصص واللي بتقدمها بشكل شيق وجذاب وغير تقليدي، وبيعتمد على توصيل المعلومة للطالب بطريقة الفهم مش الحفظ
وعلي صعيد الامتحانات فالدولة طورت بشكل كبير جدا نظم التقويم والامتحانات، والدلة غيرت نظم التقويم من الاعتماد على التقويم النهائي للاعتماد على التقويم التكويني الشامل واللي فيه كل جوانب العملية التعليمية سواء الاختبارات الشهرية والتقييمات القصيرة والأنشطة التقويمية بالاضافة لاختبارات نهاية الفصل الدراسي.
اما عن الثانوية العامة، فالامتحانات بقت بتعتمد علي نظام الكتاب المفتوح اللي بيعتمد علي نظم الإبداع والبحث،مش مجرد الحفظ والتلقين، وحاليا كل الاعتماد علي نظام البابل شيت كبديل عن البوكليت، وشكل الاسئلة اتغير تماما من الشكل التقليدي لشكل اسئلة الاختيار من متعدد بالاضافة لأنواع جديدة من الاسئلة المقالية القصيرة اللي بتقيس الفهم مش الحفظ .
التطوير في التعليم طال كمان نظم تصحيح الامتحانات واللي بقت شغالة بنظام التصحيح الالكتروني كبديل عن نظام التصحيح اليدوي التقليدي، وتم الغاء فكرة التدخل البشري في التصحيح، واللي كان بسبب نسبة كبيرة من الاخطاء والمشاكل والشكاوى للطلاب والتظلم من التصحيح.
0 تعليق