لو عاوز تغير عفش البيت أو تشتري تلاجة.. البنك الزراعي هيوفرلك الحل

0 تعليق ارسل طباعة تبليغ حذف

 

 


كتير من المصريين خاصة الشباب المقبل على الجواز بيبحثوا عن سلفة يخلصوا بيها اللي ناقصهم، زي مثلا تجهيز الشفة وشراء الأثاث أو مستلزمات البيت، عشان كتير بيلجأوا للإنترنت عشان يلاقوا بنك ذو ثقة ياخدوا منه قرض ميسر وبفوايد معقولة.

ومن هنا بتتنافس البنوك المصرية عشان تقدم الخدمات والمنتجات اللي تلبي احتياجات العملاء، ولكن من أهم وأفضل البنوك اللي بتقدم خدمات القروض المسيرة هو البنك الزراعي المصري.

البنك الزراعي بيقدم لحضرتك قرض السلع المعمرة، واللي بيكون ضمن فئة القروض الشخصية للأفراد، فممكن تستخدم فلوس القرض في فرش البيت، أو تجديد الأثاث وشراء الأجهزة الكهربائية وغيرها من الأمور اللي حضرتك عايز تقضيها.

أما بالنسبة لقيمة القرض، فبتوصل ل 90% من قيمة السلع المُراد شرائها بالتقسيط، ولكن بشرط دفع مُقدم لا يقل عن 10%، وهنا لازم يتم التعاقد على القرض بنظام المرابحة.

طب إيه هي فوائد قرض السلع المعمرة من البنك الزراعي؟

أول حاجة، هي الفايدة لأن العائد المدين في الوقت الحالي لا يقل عن 24% وبيضاف لها 3% مصروفات إدارية، كمان يشترط تحديد مبلغ التمويل وفقا لدخل العميل، بس لازم تقدم مجموعة من الوثائق والمستندات لإثبات دخلك، ومن أهن المستندات المطلوبة تقديم صورة بطاقة العميل على أن تكون سارية.

ولو شايف إن شروط القرض الزراعي مناسبة لحضرتك وفي نفس الوقت أنت مذنوق في سلفة أو قرض، فلم ورقك واطلع على أقرب فرع للبنك الزراعي المصري.

وبعيدا عن القرض، فالبنك الزراعي بيقدم مجموعة تانية من الخدمات المميزة في الفترة الأخيرة، واللي بينها خدمة تشجيع المشروعات الصغيرة ومتناهية الصغر وتشجيع الشباب على إطلاق مشروعاتهم للمساهمة في تحقيق التنمية الزراعية وتوفير فرص العمل.  

والكلام ده بيؤكد إن البنك الزراعي بيواصل المضي بخطى ثابتة لتحقيق رؤية الدولة في أن يصبح البنك الزراعي المصري صاحب الإسهام الأكبر في تنمية القطاع الزراعي والأنشطة المرتبطة به.

ومش بس كده، لأ ده كمان البنك الزراعي هو الداعم الرئيسي لتمويل المشروعات المتوسطة والصغيرة ومتناهية الصغر، وده من خلال توفير المزيد من الفرص التمويلية والتيسيرات في آليات التمويل، وكمان الحوافز اللي بتشجع رواد الأعمال وأصحاب المشروعات على تنمية مشروعاتهم لتحقيق التنمية الشاملة ودعم الاقتصاد الوطني.

إخترنا لك

أخبار ذات صلة

0 تعليق