مليارات الدولارات وفرص عمل وانتعاشة اقتصادية.. ايه اللي بيحصل في مصر ودلوقتي وايه القطاع اللي ممكن يجري بالاقتصاد المصري ويعوض الخساير في قناة السويس.. خليكم معانا للآخر وهتعرفوا التفاصيل والأرقام ..
من مميزات الاقتصاد المصري ومصدر قوته في نفس الوقت أنه اقتصاد متنوع الموارد والأنشطة يعني بيعتمد على اكتر من مصدر للدخل والتجارة والتصدير وتوفير الموارد النقدية الأجنبية للبلد يعني عندك مثلا سياحة وقناة السويس وتصدير واستثمارات وتحويلات المصريين بالخارج.. لكن تفضل السياحة هي أهم مورد من موارد الاقتصاد المصري ودا لأن مصر عندها إمكانيات وفرص في القطاع دا يخليها من أغنى دول العالم وفي نفس الوقت يضمن ليها مليارات الدولارات كل سنة باقل جهد وأقل تكاليف ودي ميزة الدولار اللي جاي من السياحة لأنه بيجي مقابل خدمة متاحة يعني دولار قدام خدمة على عكس الدولار اللي جاي من التصدير مثلاً واللي بيكلف إنتاج وتصنيع ونقل وشحن وهكذا وعلشان كده بردوا تلاقي فيه منافسة شرسة على السوق السياحي العالمي بين الدول.
مصر طبعا عندها إمكانيات مش موجودة عند اي دولة سواء سياحة أثار واللي مصر بتتميز بيها بكنوز عالمية أو سياحة الترفيه والتسوق أو السياحة العلاجية والسفاري والثقافية وغيرها وغيرها لكن تفضل إيراداتها متواضعة مقارنة بحجم الإمكانيات والجمال اللي في مصر وعشان كده الحكومة حطت خطة للوصول بعدد السياح الي 30 مليون سائح خلال عام 2030 وتحقيق اكتر من 30 مليار دولار ودي مرحلة أولي وبعدها تبدأ خطة تانية للوصول إلى 50 مليار دولار وهكذا والأهم في الموضوع إن مصر تقدر تحقق دا بفضل المؤهلات السياحية اللي عندها والبنية الحديثة أرقام ضخمة زي المشروعات اللي بتحصل في الساحل الشمالي ورأس الحكمة ورأس بيناس ورأس جميلة وكلها مناطق هتفتح قرص كبيرة جدا قدام القطاع السياحي.
الدكتور مصطفى مدبولي، رئيس مجلس الوزراء، عمل اجتماع من ساعات لمتابعة جهود النهوض بقطاع السياحة وآليات تطوير مختلف الجوانب المرتبطة به ورئيس الوزراء قال إن قطاع السياحة في مقدمة اهتمام القيادة السياسية ومختلف أجهزة وجهات الدولة، باعتباره أحد القطاعات الواعدة، وإن جهود الدولة مستمرة لدعم هذا القطاع المهم، وصولا لتحقيق هدف 30 مليون سائح سنويا.
مدبولي قال كمان أن قطاع السياحة بيمثل بجانب قطاعات الصناعة، والزراعة، والاتصالات وتكنولوجيا المعلومات، أولوية للدولة المصرية في المرحلة الحالية وما لأن القطاعات دي هي اللي هتساهم في تحقيق خطة زيادة الصادرات المصرية سواء السلعية منها أو الخدمية، وبالتالي زيادة موارد الدولة من العملات الأجنبية.
ومش كده وبس لكن الدكتور مصطفى مدبولي طالب من رجال الأعمال تقديم مقترحات لدعم الاستثمار في زيادة الغرف الفندقية، ورجل الأعمال ا هشام طلعت، الرئيس التنفيذي لمجموعة طلعت مصطفى، اقترح مثلا قيام الدولة بتوفير الأرض مجانًا مقابل نسبة من عائد الغرفة ودي فكرة مبتكرة ومش هتكلف الدولة جنيه وفي نفس الوقت هتضمت حق الدولة وتمن الأرض وفي الوقت نفسه المستثمر هيجي يعمل مشروعه ويسدد حق الدولة من الإيرادات وعشان كده مدبولي، أصدر تعليمات أن وزارة السياحة تكون هي الجهة الوحيدة اللي من حقها منح الرخص للمستثمرين، وانه هيتم اصدار الرخصة الذهبية للمشروعات السياحية ودي هيكون ليه تأثير كبير جدا على الاستثمار السياحي في الشهور والسنين الجاية.
0 تعليق