مستريح جديد ظهر في قنا، بس المرة دي اللعبة مختلفة تخيلوا ضحك على الناس واقنعهم انهم يتاجروا في الدهب، ايوة الدهب وعشان كده قدر ينصب عليهم في مبلغ كبير جدا، أول حاجة قالهم أني بيتاجر في الدهب، لحد ما قدر يستولى على 80 مليون جنيه..
تعالوا نعرف ايه حكاية مستريح قنا وإيه حكايته مع الدهب..
الأجهزة الأمنية نجحت في القبض على مستريح الدهب في قنا، بتهمة النصب على مواطنين كتير جدا في عشرات الملايين.
اتقبض على مستريح قنا وهو بيحاول يهرب بره مصر عن طريق محافظة البحر الأحمر، وده طبعا بعد ما اتقدم ضده محاضر كتير من أهالي المنطقة، وقالوا إنهم استغلوا أنه عنده محل دهب مشهور ونصب على ناس كتير بعد ما قدر يقنعهم أنهم يتاجروا في الدهب.
المفاجأة أن مستريح الدهب مكانش اخر مستريح في قنا وظهر اكتر من نصاب في المحافظة واتقبض على مأذون ومعاه اتنين تاني، بيبعوا كميات من الدهب الخام ودول كانوا موجودين في قرية حجازة بمركز قوص جنوب قنا.
كمان الأجهزة الأمنية بقنا قدرت تقبض على مستريح تالت في قنا، استولى على 3 مليون جنيه والمرة دي مش دهب بقى، لا ده قدر يقنع الناس أنه ياخد منهم فلوس في التحويلات المالية مقابل ربح يومي بيوصل لحوالي 1 %، لكنه من شهرين وقف عن تسديد الأرباح للناس وبدئوا يعملوا فيه محاضر طبعا والموضوع اتكشف وجهات الامن قبضت عليه واكتشفوا انه نصب على ناس كتير.
خلي بالكم بقى من المستريحين اليومين دول وحاول متثقش في حد، عشان متقعش انت كمان في الفخ..
0 تعليق