الجمعة 29/نوفمبر/2024 - 01:24 م

كشفت الفنانة منى هلا، سبب ابتعادها الفني عن الأعمال المصرية بشكل ملحوظ، كما روت موقف أزعجها من مُعجبة لها، عندما قابلتها في أحد الشوارع. 

وقالت منى هلا خلال لقائها مع القاهرة 24: أنا أغلب وقتي بقيت بقضيه برا مصر لأن بيبقى عندي شغل هنا بروح أعمله وبرجع، وبدي ورش تمثيل، وممكن أعمالي قليلة في مصر شوية بسبب إني بحب المخرج يديني مساحتي أكتر، وبحب احترام المواعيد، واتعلمت ده أكتر من الأجانب.

وأردفت منى: من المواقف اللي ضايقتني قبل كدة مع حد من المعجبين، إني كنت ماشية في الشارع وفي بنت جريت عليا خضتني وفضلت تحضن وتبوس فيا، والموضوع ضايقني جدا لأني بكره التلامس وممكن أقبله من حد قريب مني بس، وهي انتهكت خصوصيتي.  

منى هلا تكشف كواليس تصوير فيلم تيتا

جدير بالذكر، أن منى هلا عادت مؤخرا بفيلم تيتا، وهو فيلم قصير، وشارك الممثل الشاب نهاد نور به كـ مدير تصوير، وتدور أحداثه في إطار اجتماعي. 

وسبق وكشفت منى هلا كواليس تصوير فيلم تيتا، وقالت: أنا حصلي حاجة قبل الفيلم، أن خالتي كان عندها سرطان لوكيميا وكانت حالتها بتسوء، وتوفت قبل تصوير الفيلم بيوم وأنا اللي غسلتها، وبعد الدفن المخرج قالي إن مش هينفع نأجل علشان خسارة الإنتاج، واشتغلت علشان الالتزام، الحقيقة إن المشاعر اللي كنت خارجة بيها من وفاة خالتي ساعدتني، وبيبقى صعب ومرهق للممثل أنه يستغل حاجة حصلت له لكن كل حاجة بتعدي الحمد لله.