هدير عبد المنعم

تحدث الإعلامي محمود سعد عن معنى أن يكون الإنسان مع الله، وكيف يأخذ نصيبه من الدنيا وهو قريب من الله.

قال "سعد" في مقطع فيديو عبر حسابه الشخصي على موقع تبادل الصور والفيديوهات: "كل ما الواحد يبقى قريب من ربنا بيبقى قريب جدا من نصيبه من الدنيا، لأن أنت كل ما تاكل أكلة حلوة، تقوله متشكرين يا رب فأنت خدت نصيبك وأنت قريب من ربنا".

نرشح لك: محمود سعد: "أفضل قرار في حياتي كان الحديث عن أمي"

تابع: "كل ما تحصلك حاجة حلوة، أنت لوحدك بتقول الله يا سلام الحمد لله، الاتنين متشابكين في بعض ماينفعش تبقى واخد نصيبك من الدنيا ومش فاكر ربنا، ده حتى ما تتبسطش.. ده الحرامي بيقول استعنا على الشقا بالله، إن شاء الله المواسير هتبقى معانا زي الفل، فما بالك بالخيرات".

اختتم: "ما معنى أن يكون الإنسان مع الله؟ دي حكاية عميقة لأن الإنسان اللي مع الله بيبقى عنده النقاء والصفاء الإلهي، اللي هو ببقى عندك مش من صفات الله لكن عندك روايح كده، يعني تعرف الرحمة والمودة والكرم والعفو".