علق إمام عاشور لاعب النادي الأهلي، على قرار حسام حسن، المدير الفني لمنتخب مصر باستبعاده من قائمة الفراعنة.

وقال إمام عاشور في تصريحات عبر قناة الأهلي: «هو في حد هيجيله منتخب مصر ويرفضه؟، مين لاعب في مصر هيرفض المنتخب أو يدعي الإصابة، أنا شوفت الناس زامت عليا جامد مع إن في ناس اتصابت ومراحتش ومحدش اتكلم عليها».

وأضاف إمام: «اشمعنى إمام؟، وليه في أي جملة بيحطوا إمام، أنا لما غادرت معسكر منتخب مصر كنت مصاب والجهاز الفني عارف كده، ولو أنا ادعيت الإصابة ليه محدش من المنتخب طلع قال كده».

وأتم: «اللي عايز يقول يقول، واللي عايز يتكلم يتكلم، أنا راجل مصاب وبتمنى ألبس تيشيرت منتخب مصر».