دافعت المذيعة مروة صبري عن الفنانة أسماء جلال بعد أن تعرضت لموجة كبيرة من الانتقادات بسبب ملابسها الجريئة، وذلك من خلال برنامجها قعدة ستات.

مروة صبري تدافع عن أسماء جلال

وقالت مروة صبري في تصريحاتها التي يرصدها موقع تحيا مصر: اتحجبت وقلعت ؟.. هي حرة حسابها مع ربنا، لابسة فستان مفتوح شوية من وجهة نظركم، ايه المشكلة أي فنانة في الدنيا ممكن تلبس فستان مفتوح على الريد كاربت، نفسي حد يقولي الحملة الرهيبة اللي معمولة على أسماء جلال دي ليه وعشان ايه وهتستفيدوا بيها ايه.. الست طالعة وبقيت على أول سلم النجومية سيبوها، ليه دايما أي حد أما بيجي يطلع ناجح في مجتمعنا نبدأ نهاجمه، ليه ؟! ما نسيب كل واحد في حاله، إلا لو طلعت قالت حاجة انتو معترضين عليها.

مروة صبري للفنانين في مهرجان الجونة: شكلكوا بقى وحش

وكانت قد هاجمت مروة صبري الفنانين في مهرجان الجونة بسبب احتفالهم بفعاليات المهرجان في ظل وفاة حسن يوسف ومصطفى فهمي، وذلك من خلال منشور عبر حسابها الشخصي على موقع التواصل الاجتماعي فيسبوك.

وكتبت مروة صبري في منشورها الذي يرصده موقع تحيا مصر: والله و بكل صراحة بدل ما نفضل ننعي فناننا العظماء اللى بيروحوا فجأة واحنا ف مهرجان الجونة و نوجهلهم رسالة و بعد ساعة نطلع و نعرض فساتين و شعر و ميك اب ياريت ترجعوا و تقدموا واجب العزاء من هنا عشان شكلكوا بقى وحش، و طز ف الفساتين و الاطلالات دلوقتى و تتعوض في أى وقت تاني، لأننا فقدنا اتنين من أهم و أكبر القامات الفنية في مصر و الوطن العربي الأستاذ حسن يوسف و الأستاذ مصطفى فهمي وربنا يرحمهم يارب و يغفرلهم و يسكنهم فسيح جناته بجد مهرجان الجونه مش وقتك و مسخت أوي.

مروة صبري تهاجم منى فاروق

وعلى صعيد آخر، وجهت الإعلامية مروة صبري رسالة قاسية للفنانة منى فاروق وذلك بعد خروج الأخيرة في لايف عبر موقع الفيديوهات القصيرة تيك توك، والحديث بطريقة غير لائقة مع الجمهور، معيدة قصتها الشهيرة مع المخرج خالد يوسف.

وقالت مروة صبري في برنامجها قعدة ستات والمذاع على  قناة ألفا اليوم، في تعليق رصده موقع تحيا مصر: منى فاروق طلعت من يومين تقريبا على تيك توك ووصفت نفسها بأبشع الوصف، وقالت أنا تنحة ورزلة وسخيفة، لأن أحد متابعيها قال لها تعليق معجبهاش، فقررت ترد عليه وتهزأ المتابع وكل المتفرجين عليها، وإتكلمت بشكل غير لائق وغير مسموح، وغير طريقتها الغلبانة المسكينة اللي عايزة الناس تساعدها تشتغل.