كشف أحد أقارب الشاب نادر، 19 عاما، المقتول أمام قاعة أفراح بمنطقة المكس التابعة لمحافظة الإسكندرية، تفاصيل جديدة عن الواقعة.

وقال ابن خالة الشاب المجني عليه إن مجموعة من الشباب عاكسوا زوجة المجني عليه وشقيقته خلال خروجهم من قاعة الأفراح، مضيفا: بيكلمهم ويقولهم عيب كدا مينفعش قالوا لا مش عيب ولو مش عاجبك ناخدهم منك، وبدأوا يتعدوا علينا بأسلحة بيضاء، ومحدش فينا كان معاه سلاح.

شاهد عيان على واقعة مقتل شاب أمام قاعة أفراح بالإسكندرية: كان عريس جديد.. وعايزين حقه

وأضاف ابن خالة الشاب المجني عليه أنهم كانوا 10 أشخاص، لكن فجأة كثر عددهم بشكل كبير، وتعدوا عليهم وأصابوا كثيرين منهم وتوفي ابن خالته على إثر الواقعة، مضيفا: اتجمعوا علينا وإحنا مش عاملين حسابنا لأننا جايين فرح مش جايين نتخانق.

وتابع ابن خالة الشاب المجني عليه أن المتهمين كانوا من أهل الفرح، وأن الواقعة استمرت لمدة 3 ساعات، وأصابوا عدد كبير منهم، مشيرا إلى أنه لا توجد سابق معرفة بينهم وبين هؤلاء الشباب، وهم من بدأوا معهم المشاجرة، مستكملًا: إحنا مش عارفين عملوا معانا كده ليه، كانوا بيضربونا ضرب غلّ.. إحنا عايزين حقنا وحق اللي مات، كان لسه عريس جديد.