ردت الفنانة أميرة فتحي على الشائعات التي تلاحقها، كشائعة ارتدائها الحجاب بعد مشاركتها في فيلم "صعيدي في الجامعة الأمريكية"، وأيضا شائعة حضورها حفل لعبدة الشيطان.

قالت "فتحي" خلال لقائها في برنامج "كلام الناس" المذاع عبر شاشة "mbc مصر": "قالوا إني كنت محجبة عشان فيلم (صعيدي في الجامعة الأمريكية)، لكن أنا متحجبتش ده كان مجرد دور، والحمد لله ده دليل على مصداقية الدور وأن الناس كانت مصدقة إني محجبة بجد".

أما عن شائعة عبدة الشيطان قالت: "كانت إشاعة غريبة جدا، وكان فيه بنت فنانة موجودة في الموضوع وافتكروني أنا اللي بنتها، وأنا اللي عندي القصة دي، بنت فنانة معروفة كانت في حفلة وافتكروني أنا اللي بنتها".

هل كنتي محجبة وقلعتي الحجاب علشان التمثيل .. وايه موضوع عبدة الشيطان ده؟.. أميرة فتحي تكشف الحقيقة لأول مرة

يعرض الآن مجاناً على شاهدhttps://t.co/Ddga0AC1c7#كلام_الناس#MBCMASR pic.twitter.com/SzQ00fnqTH

— MBC مصر (@mbcmasr) December 13, 2024

كما كشفت عن سر حفاظها على جمالها مؤكدة أنها لا تحب عمليات التجميل، موضحة: "أنا مش ضد التجميل لكن لما يبقى فيه حاجات بديلة أنا بعملها، بحافظ على روتين حياتي، وبحافظ على شعري بالحاجات الطبيعية، وماسك الصبار الطبيعي هايل، وأرواق السدر الرسول صلى الله عليه وسلم اتكلم عنه".

أشارت: "أنا الصبح بقرأ قرآن على المياه وبشربها على الريق، وبشرب جنزبيل بالليمون، ومعلقة زيت زيتون، وأكل 7 تمرات ده فكاري وأنزل أعمل رياضة، التمر بيدي طاقة مش عادية".

أردفت: "ليا يوم أو يومين بلخبط فيهم، وبعمل ماسكات طبيعية لكن الحاجات اللي بتخليما كلنا شبه بعض مليش فيها، الفيلر المبالغ فيه واللي بيغير الملامح".

أميرة فتحي: روتين جمالي إزازة مياه الصبح و٧ تمرات وماسك الخميرة من الفرن .. ومابحبش البوتكس علشان بيخلي كل الناس شبه بعض

شاهدوا #كلام_الناس على #MBCMASR من الخميس إلى الأحد 6م بتوقيت القاهرة من هنا https://t.co/StD4kGX5VV pic.twitter.com/PD6OswKkx1

— MBC مصر (@mbcmasr) December 13, 2024