كشف الفنان المصري القدير صلاح عبد الله، لجمهوره ومتابعيه عن وصيته من خلال أبيات شعر كتبها بالعامية، قام بنشرها عبر حسابه الرسمي على موقع "X".

حيث تساءل صلاح عبد الله في بداية أبياته، عن كيفية تعامل الناس معه بعد وفاته، قائلًا: لما مت عملتوا إيه؟.. كان نفسي أشوفكم.. بس ماقدرتش أشوف.. لإني مت… والكلام بيني وبينكو.. لما مت.. زعلتوا عليا قد إيه؟.. يوم يومين تلاته بالكتير.. مش بلومكم.. ده أنا عايزكو تعيشوا يومكم.. صدقوني يومين كتير.

حيث أضاف: تذكروني بكل خير، وحبذا لو كانت الذكرى بدموع أو شحتفة أو حشرجة أو نهنهة، قصدي خلوا الحالة تبدو إنها حزن فاق كل الآفاق، في قلب من ألم الفراق موجوع، واوعوا تنسوا، اذكروا محاسن موتاكم ولو مفيش ألفولي حبة محاسن واذكروها، واكتبوها على صوتي وشيروها، أو لما تيجي سيرتي اسكتوا اسكتوا وغيروا الموضوع، غيروا الموضوع لأني للأسف، لسه حي، لسه بهرب من اللي فات، لسه خايف من اللي جاي.

من ناحية أخرى، أعلن الفنان صلاح عبد الله مؤخرًا عن إصابته بنزلة برد شديدة عبر حسابه على "فيسبوك"، وكتب: نزلة برد شديدة بتشاور عقلها.. تنزل تغزو جسمي بكل تُقلها.. يا خلق حد صالح يناشدها يقولها إن عضم صاصا معادشي حِملها"، ما أثار قلقًا لدى متابعيه.