تحدث السيناريست أيمن بهجت قمر عن توقيت عرض فيلم أهل الكهف في السينمات المصرية والذي لم يكن موفق على الإطلاق رغم ضخامة العمل وعناصره الفنية المختلفة، مؤكدا أن شركة الإنتاج نفقت عليه الكثير لكن تسويقيا تجاهلته العديد من المهرجانات.
أيمن بهجت قمر: فيلم أهل الكهف اتظلم
وقال أيمن بهجت قمر في تصريحات تليفزيونية رصدها موقع تحيا مصر: الجائزة اللي ممكن تشغلني الأوسكار اي حاجة تانية عادي وكان المفروض أهل الكهف يتعرض في مهرجانات زي كان وغيره لكن هو اتظلم من ناحية المهرجانات وتسويقيا، إحنا كنا بنصوره واحنا متفقين أنه هيتعرض في كان.
وتابع أيمن بهجت قمر حديثه، قائلا: الفيلم محقق إيرادات كبيرة وده بسبب توقيت نشره اللي كلنا اتفقنا ووافقنا عليه، بس إحنا كنا زهقنا الفيلم بقاله 4 سنين بنحضرله بيتأجل عرضه فكان عايزينه ينزل.
أيمن بهجت قمر: اتهديت آخر اربع سنين في حياتي وابتديت أحب نفسي
وتحدث أيمن بهجت قمر عن نفسه، قائلا: آخر أربع سنين اتهديت وبقيت أبعد عن اي حد يضايقني.. أنا بكبر ودلوقتي بدور على إني أعيش في سلام ابتديت أحب نفسي أنا مكنتش بحب نفسي خالص مكنتش مهتم بيها وكنت بتخن ومش فارق معايا نفسي خالص دلوقتي بلعب رياضة وبجيب لنفسي.
وأكد: مش برتاح أما بشتغل مع حد مش بحبه أو بيصعب عليا الحاجات دي بتفقر، وأما بركز في الدراما بيبعدني عن الأغاني فبرجع تاني عندي شغف اني اشتغل تاني في الاغاني.
أيمن بهجت قمر يتحدث عن خسارة الأهلي الأخيرة
وتطرق أيمن بهجت قمر عن خسارة الأهلي الأخيرة، قائلا: ده استهتار من اللعيبة والمدرب.. الكورة دي كان لازم تكون بتاعة عمرو السولية احنا محتاجين نركز شوية مش معقول اللي حصل في الماتش ده.
وتابع: الأهلى أحسن فريق في الوطن العربي وإدارته متتقارنش بحد.. هي ناجحة جدا، وأنا من أكبر الداعمين لكهربا ومؤمن جدا بيه واتمنى ان اللي حصل ميكونش حاجة للقضاء عليه، أنا بس محتاج يركز ويستتقل تاني، والاهلي محتاج يلم ولاده تاني ويدي فرصة تانية لرمضان صبحي.
0 تعليق