تحدث أيمن بهجت قمر عن انفصاله وعلاقته بأولاده بعد هذا الانفصال، وحقيقة دخوله في علاقة عاطفية جديدة التي انتشرت في الفترة الأخيرة بعد ظهوره مع أحد السيدات على ريد كاربت مهرجان القاهرة السينمائي، وهو ما أثار الجدل حوله.

أيمن بهجت قمر: لما انفصلت نقلت ولادي جنبي عشان يبقوا قريبين 

وقال أيمن بهجت قمر في تصريحات تلفزيونية رصدها موقع تحيا مصر: لما انفصلت نقلت ولادي جنبي عشان يبقى فيه تواصل بينا ونبقى قريبين من بعض وكل أما يكبروا بيبقى فيه تواصل أكتر وعلاقتي بيهم كويسة جدا، ابني الكبير بيقولي أنا بحس أنك أخويا الكبير مش أبويا.

وعن سبب تأجيل الاعلان عن طلاقه، قال بهجت قمر: أكيد مش هحب إني اتباهى بانفصالي هو صحابنا واللي حوالينا عرفوا فمش لازم اكتبه على السوشيال ميديا.

أيمن بهجت قمر يكشف إمكانية زواجه مرة أخرى 

وعن إمكانية زواجه مرة أخرى وآخر ظهور له مع سيدة على ريد كاربت مهرجان القاهرة، قال أيمن بهجت قمر: انا عايش للشغل بتاعي وولادي ومش عارف بكرة ممكن يحصل إيه، أنا مش متجوز إحنا صحاب عادي والناس المفروض كانت تسأل وأنا واقف وأنا أرد عليه، إحنا صحاب عادي مكنتش متخيل إن هيحصل ده ومش طبيعتي إني اعمل لقطة يعني وولادي عارفين وصحابي عارفين الموضوع عادي.

وتطرق أيمن بهجت قمر بحديثه عن الانتقادات التي طالت مسرحية سيدتي الجميل، فقال: مزعلتش من الانتقادات على سيدتي الجميل احنا كنا عايزين كل واحد يعمل الحاجة بطريقته ودخولي المسرح كانت فرصة ادهالي  المستشار تركي آل الشيخ.

أيمن بهجت قمر: كنت هتجنن اني مش بكلم عمرو دياب 

وتحدث عن شجاره مع عمرو دياب الذي دام لأكثر من 5 سنوات: اخدت عمرو دياب في الرجلين مع خناقتي مع روتانا هو ملوش دعوة مكنش هو فنيا، أنا كنت هتجنن الفترة اللي مش شغال فيها معاه إزاي ٥ سنين بينزل البومات انا مش فيها وكان رافض الصلح ولكن بعد كدة خلاص.

من ناحية أخرى، انتهى أيمن بهجت قمر من تحضيرات فيلم ريستارت والذي يخوض بطولته الفنان تامر حسني إلى جانب الفنانة هنا الزاهد وذلك في ثاني تعاون لهما سويا بعد نجاحهم الكبير في فيلم بحبك والذي حقق نجاحات كبيرة في فترة عرضه، ومن المقرر عرض فيلم ريستارت ضمن سباق أفلام عيد الفطر 2025.