الأربعاء، 13 نوفمبر 2024 08:46 ص 11/13/2024 8:46:56 AM

فتح مجدي عبدالغني، نجم الأهلي السابق النار على الإعلامي أحمد شوبير، بسبب تصريحات الأخير بعدم وجود قائمة لمجدي عبدالغني في انتخابات اتحاد الكرة.

وقال مجدي عبدالغني، في تصريحات تلفزيونية عبر فضائية «الشمس»: «الكابتن أحمد شوبير، طلع وقال مفيش قايمة لمجدي عبدالغني، أنا أعلنت عن 70% من قائمتي في الانتخابات، مفيش حاجة ياشوبير، انك كلمت حد قريب من إسماعيل يوسف، وقالك مش داخل الانتخابات، مفيش حاجة اسمها قريب إنت تكلم الشخص نفسه».

وأضاف: «شوبير، كلمني فعلا وأنا مردتش أقوله المعلومة، مش معنى إنك تكلمني إني اديك المعلومة، لأن الانتخابات خدعة، احنا خططنا صح وبالتالي أجبرنا هاني أبوريدة، يعلن قائمته«

وتابع: «احنا أعلنا عن 70% من القائمة ونالت استحسان الناس، احنا مش عايزين ندخل الانتخابات نبقى خسرانين قبل ما ندخل في هذه الحالة الأفضل مندخلش الانتخابات».

وأكمل: «عايز أقول لشوبير، اهدى شوية يابني، اهدى شوية، مش لازم كل حاجة يعني كده يا شوبير، تطلع تعمل منها بروباجندا».
وواصل: «إنت في قناة جديدة وعايز تعمل مشاهدات، وطبعًا في صداقة حميمة بين الكابتن محمود الخطيب وهاني أبوريدة، فإنت بتشتغل في قناة الأهلي دلوقتي فعايز تبين للكابتن محمود الخطيب، إنك في صف هاني أبوريدة وبتخلص على مجدي عبدالغني، مينفعش، إنت بتتكلم في قناة مفروض بتعمل كرة قدم فقط، تذيع مباريات مسجلة، هي قناة ريال مدريد، بيتكلموا عن انتخابات اتحاد الكرة ولا قناة برشلونة».

وأتم: «مينفعش، أنا اتعرض عليا اشتغل في قناة الأهلي زمان ومردتش، لأني عشان اشتغل في قناة الأهلي لازم أكون بس مع النادي الأهلي، مينفعش أبقى شغال في اتحاد الكرة وشغال في قناة الأهلي، محدش هيثق فيا ولا نادي الزمالك ولا أي نادي»