الثلاثاء 24/ديسمبر/2024 - 09:58 م

شارك المنتج هشام سليمان متابعيه على موقع التواصل الاجتماعي فيس بوك موقفا غير إنسانيا تعرض له في نادي الجزيرة بمدينة 6 أكتوبر، وذلك خلال وجوده في أحد المطاعم بالنادي.

 المنتج هشام سليمان يتعرض لموقف غير إنساني في نادي الجزيرة

وتحدث المنتج هشام سليمان عبر صفحته الرسمية بموقع التواصل الاجتماعي فيس بوك عن موقف تعرض له داخل نادي الجزيرة بـ 6 أكتوبر، قائلًا: بس المفروض أعلم أحفادي أيه أنا الحمد لله ولادي متعلمين لانهم كبرو على الأصول والتربية السليمة، أنا النهاردة كنت في مطعم نادي الجزيرة بـ 6 أكتوبر الرئيسية، وكان معايا العائلة، مراتي وبنتي وأحمد جوزها ومالك ابني وأحفادي سليم وزين والبيبي سيتر بتاعه.

وأضاف المنتج هشام سليمان: دخل علينا المتر وقالنا ممنوع البيبي سيتر تاكل في المطعم ممكن تاكل بره، وقوتله أيه حضرتك بتقول أيه دي هتقعد على نفس ترابيزتا وهتاكل نفس أكلنا، وقالي لا والله يا فندم دي تعليمات، ودريت عليه، حبيبي التعليمات دي كانت موجودة من أيام البشوات وده عصر وانتهي، وقالي لا يا فتدم لسه منتهاش عندنا، وبسبب كده قررت أني مأكلش في النادي.

وأكمل: أنا مكنتش هكتب الموضوع ده، بس لما خرجنا سليم حفيدي سألني إحنا مشينا ليه يا جدو أنا كنت عايز أكل، أنا دماغي وقفت ومعرفتش أقول لسليم إحنا خرجنا ليه، ولو قولتله الحقيقة أننا  خرجونا علشان مينفعش لارا تاكل معانا مش هيفهم وإلى كل أعضاء النادي الكرام مش حان الوقت بقي نغير الموضوع ده.