أكد الإعلامي عمرو أديب، أن تركيا قد تتدخل للإفراج عن الكادر الاخواني عبد الرحمن القرضاوي بعد اعتقاله في لبنان.

وقال أديب خلال برنامج "الحكاية" المذاع على قناة "أم بي سي مصر": "لو دخل بالباسبور التركي يبقي تركيا هتتكلم عشان تخرجه واللي هيحصل النهاردة ضغط تركي كبير على السلطات اللبنانية للإفراج عنه والسلطات اللبنانية معذورة".

وأضاف: "أبوه كان قطري فهو الوارد يكون معاه باسبور قطري أو تركي وعايز أقول معلومة جايز ناس ميعرفهوهاش أنا اشتغلت في الاعلام 30 سنة والمرة الوحيدة اللي طردت ضيف من الاستوديو ورميت في وشه الورق كان الواد الحيوان ده".

وتابع: "أنا ممكن يبقي عندي خلاف مع أي ضيف ولكن أول مرة توصل للمرحلة دي؟ لأنه كان يستحق الطرد وكانت عقدته هي أنت متقليش أنى قرضاوي مريض ومتفهمش كان رايح سوريا ليه؟ هو والواد التاني الصرصار اللي اسمه جو شو".

وتابع: "يا جماعة لو انتوا اصطلحتوا معانا والعلاقات عظيمة محدش يعمل الحركات دي تاني أنتوا اصطلحتوا معانا ولا علينا؟ أنا أفهم الصلح أنه مينفعش تعمل أي أفعال معادية ليا".

وأكمل: "هل إخوانا الأتراك ناويين يطلعوا الحيوان ده بعد ما شتم 3 دول عربية كبرى؟ هل الواد ده في كفة واحنا في كفة؟ معرفش".

وأوضح: "أنا عارف أن الكلام اللي هقوله ده هيوصل، سلموا الواد هتفرجوا عنه والله ما هسكت لو خرج النهاردة يبقي الأتراك دخلوا قالوا طلعوا الواد لو هتتعاملوا معانا كده يبقي كلنا نربي عقارب".

واختتم: "المشكلة مع تركيا لسة خلصانة والمصريين مش بالعين أوي دا مواطن معاه باسبور تركي وغلط فينا هتسلمه ولا لأ؟ الحيوان ده لازم يتجاب ويكفر عن اللي عمله وعن اللي أبوه عمله الله يرحمه".