هبة بريس – الرباط

اعتبرت نبيلة منيب، النائبة البرلمانية عن الحزب الاشتراكي الموحد, أن جميع الحريات اليوم في خطر وفي مقدمتها حرية التعبير عن الرأي, تعليقا عن الحكم الصادر في حق الصحفي حميد المهدوي.

وقالت منيب في تصريح لهبة بريس:”كيف يعقل أن صحفي كيشتغل و يجيب واحد المعلومة يقدر يخطأ فبعض التقديرات ولكن هذا لا يسمح بالشطط في استعمال السلطة ولا يسمح لوزراء ولا رئيس الحكومة أنهم يجرجروه أمام المحاكم.. ها اللي باغي يقتص منه مليار واللي باغي يدخلو للحبس واللي باغي ينتاقم”.

وأضافت منيب: “هذه عدالة ديال انتقام هذه ماشي عدالة ديال إحقاق الحق.. فكل التضامن مع الاخ المهدوي كل ما أتمناه أن السادة والسيدات القضاة الصغار ما يخافوش لأن العدالة عندها واحد القيمة أساسية في كل مجتمع وبغينا معهم نبنيو نظام ديال العدالة اللي هو ناجع”.

وتابعت: “هادشي ديال التخويف ديال الناس والانتقام وهاد الغرامات الكبيرة وهاد السنوات ديال السجن النافذ غير مقبوىة.. فالوقت اللي السيد وزير العدل دافع على مجرمين كبار وجعلهم يتفاداو العدالة لكنهم اليوم راهم وراء القضبان بعد ما تدخلت العدالة العالمية”.

واسترسلت النائبة البرلمانية بالقول: “هادشي راه مؤلم كثير وكل التضامن مع الصحفي المهدوي.. لمهدوي مظلوم والوزير خص يعتبر راسو مؤسسة ماشي شخص و ميكونش مهتم بهذا الشي خصو يهتم بالمشروع ديال إصلاح العدالة”.