خرج أحد الأشخاص للسخرية من مسلسل الفنان أحمد العوضي الجديد والذي من المقرر عرضه ضمن سباق رمضان 2025، ويأتي بعنوان فهد البطل، لافتا النظر إلى تكرار شخصية أحمد العوضي في مسلسلاته والتي تدور أحداثها في إطار اجتماعي شعبي.
متابع يسخر من مسلسل أحمد العوضي الجديد
وكتب المتابع في منشور رصده موقع تحيا مصر عبر حسابه الرسمي بموقع تبادل الصور والفيديوهات انستجرام: "المسلسل اللي كله تيستستيرون ابو الرجولة والفحولة كلها ، هيطلع عايش ف منطقة شعبية وكارف لبنات المنطقة كلها وبيحب انتن واحدة فيهم اللي ريحتها جلة ، ابوه هيمو.ت وهيكون عايز يجيب حقه ، كل حلقه هيضربله خمستاشر واحد عشان دا الطبيعي بتاعه ، بيصحى الصبح يفطر مخاصي عشان دي اكلة اي فحل ، هيشوف حكمة يفضل يقولها طول المسلسل ، وفالاخر هينتصر ويتجوز البنت اللي بيحبها ف الزريبة".
رد غير متوقع من أحمد العوضي على سخرية متابع على مسلسله
ورد أحمد العوضي على سخرية هذا المتابع، قائلا: ياعم بالله بالله حصل وهيحصل بس هيحب أحلي واحدة في المنطقة واستني ٣٠ يوم تيستستيرن.
ويعد مسلسل فهد البطل من بطولة أحمد العوضي ونسرين أمين، ياسمين رئيس، سارة سلامة، أحمد عبد العزيز، صفاء الطوخي، ميرنا نور الدين، صفوة.
أحمد العوضي يكشف تفاصيل دوره في مسلسل فهد البطل
وتحدث أحمد العوضي عن دوره في مسلسل فهد البطل، قائلا: بقدم مسلسل شعبي على صعيدي ميكس كدة وهنفهم ازاي بعد ما نسمع المسلسل، وهو قصة وحالة مختلفة عن اللي عملتهم رغم أنه يتشابه في تيمة الشعبي وفيه استاذ أحمد عبد العزيز اللي انا بتشرف اني بشتغل معاه وميرنا نور الدين مبسوط جدا أننا بنشتغل مع بعض وصفاء الطوخي ومدام صفوة ولسة فيه ابطال بيمضوا.
من ناحية أخرى، كان قد أطلق الفنان أحمد العوضي مسابقة عن مسلسله الرمضاني فهد البطل، قائلا: سؤال المسابقه لكل اخواتي أسهل سؤال في الدنيا مسلسل رمضان ٢٠٢٥ اسمه ايه هختار ١٠ فايزين كل فايز ١٠ الاف وهلم الورق بعد اربع ايام ان شاء الله.
ولكن لم يعلن الفنان أحمد العوضي حتى الآن عن الفائزين في هذه المسابقة كما هو معتاد أن يفعل.
0 تعليق