الجمعة 15/نوفمبر/2024 - 01:39 ص

أعرب الفنان ياسر فرج، عن رغبته في العودة للمشاركة في أعمال فنية مرة أخرى، وذلك بعد فترة من الابتعاد عن الساحة الفنية.

ياسر فرج: نفسي أرجع تاني لشغلي ومكانتي.. الموضوع مش سهل ومقفول على دائرة صعب اختراقها

وكتب ياسر فرج، عبر حسابه الشخصي بموقع فيسبوك: مساء الخير على كل أصحابي وزملائي وأهلي والمتابعين الأفاضل.
البوست ده بكتبه لكل اللي بيسألوني سواء في الكومنتات أو في الرسائل أنت فين؟ اختفيت ليه؟ عاوزينك ترجع تاني تمثل، أنا فعلًا اختفيت من فترة كبيرة نتيجة ظروف مرض ووفاة زوجتي وأم أولادي الله يرحمها.

وتابع ياسر فرج: أنا نفسي ارجع تاني لشغلي ولمكانتي، وبحاول أرجع تاني، لكن للأسف الرجوع مش سهل خالص خصوصا في الظروف والطريقة اللي دايرة بها منظومة الشغل، الدنيا مقفولة علي دايرة من الصعب جدًا اختراقها، وللأسف أنا متعود إني السعي في الشغل إني اختار دور كويس واجتهد فيه والتزم بمواعيد شغلي، لكن مش متعود على إني أكلم شركات الإنتاج والمخرجين وأحاول أظهر في المناسبات المختلفة عشان اشتغل.

وأضاف ياسر فرج: لكن إن شاء الله هيجي الوقت اللي ارجع فيه، وبشكركم جدًا علي سؤالكم عليا، وحبكم اللي دايما بيديني أمل.