الثلاثاء 19/نوفمبر/2024 - 07:23 م

كشفت التحقيقات في قضية مقتل سيدة النهضة على يد جارها بسبب خلافات جيرة تفاصيل إنهاء المتهم حياتها عن طريق كتم أنفاسها، وتقطيع جثمانها من أجل توزيعها على صناديق القمامة لإخفاء آثار جريمته، ولكن رائحة أجزاء من جثمان الضحية هي من فضحت سره وأدلت على جريمته. 

اعترافات المتهم بإنهاء حياة سيدة النهضة

وحصل القاهرة 24 على التحقيقات في قضية مقتل سيدة النهضة على يد جارها والتي جاءت كالآتي: 

وبسؤال المتهم عن تفصيلاته حول الواقعة؟ أجاب: اللي حصل إن الست سماح دي كانت بتخر مياه من شقتها عليا باستمرار وكنت بقولها مرة واثنين وعشره يا ستي صلحي الماسورة الشقة كلها ميه وفي كهرباء وأنا بتكهرب كل شويه مكنتش بترضي ولا تعمل حاجة حتى قولت لشخص يطلعلها وفعلا راحلها وقالها تصلح الحاجة عشان الشقة عندي فضلت تزعقله وقالتله أنا مش هعمل حاجة والراجل مشي من عندها وقالي أنا معرفتش أعمل حاجة.

وأضاف المتهم: كانت دائمًا تتخانق مع السكان مع إنها كانت كويسة لكن فجأة حالها اتشقلب يمكن بسبب ضيق الحال معرفش مع إن الناس كلها كانت بتساعدها بما فيهم أنا، وكانت علاقتي بيها كويسة حتى كانت بتنزل تشتغل يومين ثلاثة ويمشوها وكانت بتقولي إن هم بيمشوها علشان عاوزين ناس أحلى وشكلها أجمل منها، وكانت عاملة مشاكل مع السكان كلهم وكانت بتعملهم قواضي وتقول واحد اتحرش بيا ومره واحد سرقني وكانوا كلهم بيتحبسوا.

واستكمل المتهم: وفي يوم وأنا واقف في البلكونة لقحت عليا بالكلام وبعدين قبل الموضوع ده بيوم كده لقيتها على السلم قولتلها أنتي فتحتي الهويس عليا أنا الشقة كلها ميه وأنا مش معايا فلوس للكلام ده ولا تكلفة علشان أصلح، وكانت تزعق وتتكلم معايا بطريقة وحشه جدا، وحتي وهي نازلة الصبح لو قابلتني متقوليش صباح الخير.

وواصل المتهم في اعترافاته: وجاتني في مره قالتلي أنا عاوزاك تشهد شهادة معايا إن الناس بتسرقني وتتحرش بيا وأنا مرضتش ففضلت تزعق معايا وتقولي ماشي وأنت حر، وبعد كده يوم الحادثة بقى الصبح وأنا في الشقة لقيت خبطة خفيفة على الباب فتحت لقيتها هي دخلت وقفلت الباب وراها قالتلي أنت متحرشتش قبل كده بحريم قولتلها إيه اللي بتقوليه ده قالتلي هو كده وفضلت وهتيجي تشهد معايا غصب عنك، قومت ضاربها بالقلم على وشها، فضلت تصوت تصوت بصوت عالي وسعتها قولت لازم أخلص منها وأخلص البلوك كله منها.

وتابع المتهم: فضلت كاتم صوتها عشان محدش يسمع وقولت أنا هنتقم منها وفضلت كاتم نفسها لحد ما ماتت خالص، واتأكدت إنها ماتت وحطيت رأسي على صدرها وتأكدت إنها ماتت، وبعد ما ماتت قولت أنا هعمل إيه دلوقتي لو الناس دخلت أو شافتها كده هتقول إيه وممكن يقولوا إن عملتلها حاجة ولا اتحرشت بيها والصويت كان من عندي، فقولت هقطعها ولا من شاف ولا من دري أنا هخلص منها وأخلص الناس كلها منها.

وكانت قضت محكمة شمال القاهرة في وقت سابق، تأجيل جلسة محاكمة المتهم بقتل سيدة النهضة المسنة وإلقاء أجزاء مبعثرة من جثمانها في نواحي منطقة النهضة بالقاهرة، بعد إقدامه على التخلص منها بسبب خلافات الجيرة، لجلسة 24 نوفمبر.