الأحد 24/نوفمبر/2024 - 04:14 ص

كشف المطرب لؤي عن رأيه في ظاهرة الذكاء الاصطناعي، بجانب الكشف عن أعماله الفنية خلال الفترة المقبلة، وحديثه عن أحدث أغانيه التي تحمل اسم بطلت طيبة.

وقال لؤي في لقائه مع القاهرة 24: الحمد لله على نجاح أغنية بطلت طيبة، كنت عايز أنزل حاجة جديدة والحمد لله ربنا وفقنا، وهي مختلفة عني تمامًا، ومفيش حد ربنا خلقه طيب بيبقى شرير، وربنا ما يجعل أي ظروف تحصل تخلي الإنسان شرير وهو طيب.

وعن رأيه في الذكاء الاصطناعي، فعلق لؤي: الذكاء الاصطناعي ده ربنا يستر منه ونعرف نقننه ومفتكرش أنه هيبقى له قانون.

لؤي يكشف تفاصيل أعماله الفنية المقبلة

كما كشف المطرب لؤي، عن أعماله خلال الفترة المقبلة، حيث أوضح أنه سيعمل على طرح عدد من الأغاني السينجل، قائلًا: هنزل أغاني سينجل كل شهر خلال الفترة اللي جاية، وهيكون في حفلات أكتر.

لؤي: بحب أطلع تريند بأعمالي الغنائية 

وأوضح لؤي، أنه يفضل تصدر التريند من خلال أعماله الغنائية فقط وليس الأزمات، قائلًا: التريند ده جديد، ولو كان التريند موجود من 2003 كان كل الي بنعمله هيكون مصايب، وهو لغة العصر دلوقتي، مضيفا: بحب أنجح باللي ربنا إداهولي مش تصرفاتي غير في الخير وده موضوع تاني.