حصل موقع مصر تايمز على نص تحقيقات قضية مقتل الممرض مينا موسى، الذي راح ضحية مؤامرة استدراجه من مسقط رأسه بمحافظة المنيا إلى القاهرة، وتحديدًا بمنطقة الزاوية الحمراء، بعد إغرائه بوظيفة ممرض لرجل مسن مقابل 8000 جنيه.
أقوال أحد المتهمين في قضية مقتل الممرض مينا موسى
وجاءت أقوال أحد المتهمين أمام جهات التحقيق كالآتي:
قال أحد المتهمين في تحقيقات القضية: "اسمي إبراهيم دبلوم صنایع وبشتغل عامل في المنيا، وشغال جليس لكبار السن في القاهرة، وبعدها من الضيقه الي أنا فيها بدأت أفكر ازاي اجيب فلوس و في يوم السبت ٢٠٢٤/٩/٢٨ قبل يوم الواقعة مصطفي ابن خالتي جه يبات معايا في البيت الي انا شغال فيه، و كنت بتكلم معاه في الظروف الصعبة بتاعتي و اني محتاج فلوس قالي ان هو كمان ظروفه صعبة".
وأضاف: الدنيا مخبطة معاه و قعدنا نفكر نجيب فلوس ازاي لحد ما جه في دماغي اننا نستدرجه حد نجيبه علي البيت الي انا شغال فيه نسرقه عشان الحاج محمد الجمل الي انا شغال معاه مبيتحركش إلا لما انا اسنده ، و جه في بالي واحد كان كلمني من فتره كبيره سألني علي شغل مع حد مسن و انا سجلت رقمه من ساعتها ، فكلمته من خط مش متسجل عملت فيها واحده ست و قلتله أني محتاجه حد جليس مع راجل كبير ، بس هو قالي انه شغال و رشحلي مينا و اداني رقمه و قالي أنه كان بيدور علي شغل.
ويكمل قاتل مينا موسى في التحقيقات: "كلمت مينا موسى وعملت اني واحده ست برضه و قلتله نفس الكلام اني محتاجه حد جليس مع راجل كبير بمرتب 350 في اليوم ، وقالي انه جاهز و قلتله انه هيبدأ من بكرا يوم الحد ٢٠٢٤/٩/٢٩ ، و اتفقت معاه انه يجي الساعة 11 الصبح وقلتله يركب مواصلات ميدان السواح و ينزل عند مصنع بون بون سينا ، و قعدت انا و مصطفي نتفق هنعمل ايه و اتفقنا ان انا هنزل اجيب مينا لما يوصل و مصطفي هيكون في البيت مستخبي ورا الباب و معاه ماسوره حديد و أول ما ندخل انا و مينا و أقفل الباب هو يهدد مينا عشان ميعملش صوت و تسرقه و نمضيه علي وصل امانه أو نطلب فديه".
قررت جنايات القاهرة الأخيرة
يذكر أن محكمة جنايات القاهرة المنعقدة بالعباسية، قررت تأجيل محاكمة المتهمين بإنهاء حياة ممرض المنيا مينا موسى لجلسة 22 ديسمبر ، وفي وقت سابق، قررت جهات التحقيق إحالة المتهمين بقتل مينا موسى ممرض المنيا للمحاكمة وتحديد جلسة اليوم لمحاكمتهم.
تفاصيل الحادث
وتعود تفاصيل الحادثة عندما التقى "مصر تايمز" بأسرة المجني عليه وتحدث عمه ويدعي القسيس إبراهيم، وهو عم المجني عليه" مينا موسي "، قال من خلال فيديو مسجل: أن الموضوع بدأ لم " ميلاد " صديق مينا راي منشورا علي الفيس بوك ، يتضمن محتواه علي عمل تمريض لرجل مسن ، بمبلغ مادي جيد ، فعرض ميلاد علي مينا ووافق كلاهما علي السفر، ولكن مينا اجل الموضوع لحين الانتهاء من مراسم زفاف أخته ، وعلي الجانب الآخر رفض أهل ميلاد السفر ، لكونه لم ينتهي من الخدمة العسكرية.
وأضاف القس "أبراهيم" بعد أن انتهي مينا من عرس أخته ، اتجه ، تواصل مع الرقم الخاص بالعمل في منزل المسن، وبالفعل تم الرد عليه وبدأ مينا رحلته بحثا عن فرصة عمل اقوي ماديا ليستكمل مشواره وتعليمه ويحقق هدفه
كشف القس ابراهيم الان لموقع "مصر تايمز" أن القضية احيلت الي النائب العام ثم الي مكتب رئيس الجمهورية ، لاتخاذ الإجراءات اللازمة ، والانتهاء من الفضية في اسرع وقت ممكن.
وتابع قائلا: “انا بشكر السيد رئيس الجمهورية والسيد النائب العام علي تواليهم الأمر، وكنت علي يقين اني في دولة يسودها العدل واعلم أن حق ابني راجع بأمر الله”.
0 تعليق