شهدت الساعات القليلة الماضية وجود حالة من التراشق بالألفاظ بين إبراهيم سعيد لاعب الفريق الاول لكرة القدم السابق بنادي الأهلي ومنتخب مصر مع زوجة واحد من أبرز لاعبي نادي الزمالك عقب خسارة الابيض لمباراة القمة 123.
تراشق بالألفاظ بين إبراهيم سعيد وزوجة محمود علاء
البداية كانت مع تغريدة نشرها إبراهيم سعيد عبر حسابه الشخصي على موقع التواصل الإجتماعي تويتر قال فيها :” محمود علاء أسيست جديد ” في إشارة منه إلى أن علاء يلعب دور العميل المزدوج في مباريات الأهلي مثلما فعل في نهائي أفريقيًا وهو ما يعد تقليلًا منه.
رد زوجة محمود علاء على إبراهيم سعيد
قبل أن ترد زوجة اللاعب عبر حسابها الشخصي على موقع التواصل الإجتماعي لتبادل الصور ” إنستقرام ” قائلة :” ليا تعليق على واحد مريض مش وراه حاجة يعملها غير انه يكتب على تويتر كل ماتش مش قاعد شايف في الملعب غير محمود علاء مش شايف في الفرقة كلها غير محمود علاء كل ماتش.
وأضاف :” عايزة اقولك على حاجة انت تاريخك اي اصلا جنب محمود ممكن نقارن بالأرقام كده ونشوف انت ايه وهو ايه عشان تتكلم عليه وتفضل محروق منه كده كل ماتش كل ده عشان رفض يكلمك في الموبايل وياخد رقمك ولا عشان عملك بلوك على تويتر فالموضوع بقى مرض نفسي بالنسبة لك تحب انزل صورتك اللي متصورها معاه وحاضنه كمان اتكلم على الفرقة كلها وأخطاء الفرقة كلها كفاية مرض نفسي وقرف بقي”.
فيما جاء رد إبراهيم سعيد قاسيًا حيث قال :” “اولا انا مش برد علي نسوان ممشية رجالتها لان لو في راجل هعرف ارد علية كويس اوي دة لو راجل اصلا، و الكلام كلة كدب و انا ولا اعرفة ولا عمري شفتة اصلا و شغل النسوان دة مش بحبة و شكلها الأمور متبدلة في البيت”.
وعادت ريهام لرد مرة أخرى وقالت :” والله اعرف ان في ست تبقى ممشية بيتها وبميت راجل إنما راجل يقوم بدور الستات دي اللي غريبة عليا شويتين عالاقل انا واحدة محافظة على بيتها وجوزها وأولادها وعارفة اللي ليا واللي عليا ومحافظة على بيتي وجوزي الدور والباقي على اللي اتاخذ على قفاه من مراته وهربت منه.. عارفة ان البلوك بيضايق والله معذور”.
التعليقات