يا ترى لو نفسك تشتري عربية جديدة ومش معاك تمويل كامل لها أو فلوس كافية تعمل إيه، وهل في بنوك معينة بتقدملك قروض لشراء السيارات 2025، وإيه تفاصيلها وشروطها وأهم التسهيلات.. هنقولك كل التفاصيل في التقرير  ده فتابعنا للآخر. 
 

دلوقتي الحكومة المصرية بتقدم  عبر مؤسساتها الحكومية ووزارتها المختلفة، الدعم للمواطنين من خلال الخدمات المصرفية، واللي بينها قرض شراء سيارة جديدة بتسهيلات كتيرة.

ومن بين البنوك اللي بتقدم قرض السيارة، هو بنك ناصر، اللي بيقدم  القرض والتسديد على 90 شهر للسيارات الملاكي.

وبيكون الحد الأدنى لسداد القسط سنتين والحد الأقصى 7 سنين ونص، ونسبة العائد فى حالة وجود ضامن حكومى 11 %، أما فى حاله عدم وجود ضامن حكومى فبيكون العـائد 11.7 % والحد الأدنى لمقدم العربية بيكون 25%، بس في شوية مصاريف إدارية بنسبة 1%، وبيتم سدادها نقداً.

أما بالنسبة لشروط الحصول على قرض العربية، فلازم يتم سداد 25% من عرض السعر كمقدم، وكمان لازم تقدم الرقم التأميني لطالب القرض خاصة للعملاء الجدد لفتح الحساب، وصورة بطاقة الرقم القومي وتكون سارية.

ومطلوب كمان، إيصال مرافق حديث أو كتاب من جهة العمل بيفيد العنوان الحالي لطالب القرض من واقع ملف الخدمة، زائد بيان مفردات للي هياخد القرض سواء مرتب أو معاش. .

ولازم يكون في عرض سعر للسيارة من جميع الشركات المنتجة والوكلاء والموزعين، ويكون عرض العربية لموديل قبل سنتين من وقت التقديم على القرض بخلاف سنة الصنع، كمان لازم يكون في ترخيص سابق للعربية، وعدم التقيد بسنة الصنع لذوى الاحتياجات الخاصة.

ونقدر نقول إن مدة التمويل بتوصل 90 شهر للسيارات الملاكي، و60 شهر لسيارات ذوي الاحتياجات الخاصة .

أما بقى إجراءات الحصول على قرض السيارة، فبالنسبة لأصحاب المعاشات، بيتم تحويل المرتب أو قيمة القسط لطالب التمويل ويتم التأمين على حياة طالب القرض لصالح البنك بكامل المدة والمديونية، وده عن طريق شركات التأمين المتعاقدة مع البنك، بالإضافة للحظر على السيارة، وكمان أحد الضمانات، زي تقديم ضامن تحت الطلب من العاملين بالحكومة أو قطاع الأعمال العام، بشرط أن يغطى المرتب قيمة القسط الشهري.

وبالنسبة لأصحاب المعاشات، فبيتم تحويل المعاش أو قيمة القسط لطالب القرض، بالإضافة للتأمين على حياة طالب التمويل لصالح البنك بكامل المدة والمديونية، وده عن طريق شركات التأمين المتعاقدة مع البنك بالإضافة إلى الحظر على العربية.

وبخصوص العاملين في القطاع الخاص أو المهن الحرة، فبيتم التأمين على حياة طالب القرض لصالح البنك بكامل المدة، وده عن طريق شركات التأمين المتعاقدة مع البنك. 
 

وفي حالة سداد طالب القرض 25 % من قيمة العرض السعري للعربية، أو المبلغ المسدد نقداً، فبيتم تقديم تعهد بتحويل مرتب 2 من الضامنين تحت الطلب، سواء طالب القرض أو ضامن من العاملين بالحكومة أو قطاع الأعمال العام، بشرط أنه يغطى إن مرتبابتهم تغطي القسط الشهري.

أما في حال ةسداد طالب التمويل 50 % من قيمة عرض السعر العربية، فبيتم تقديم تعهد بتحويل مرتب، طالب القرض أو ضامن من العاملين بالحكومة أو قطاع الأعمال العام، وبنفس الشرط إنه عند يغطي قيمة القسط الشهري.

فلو حضرتك محتاج قرض السيارة من بنك ناصر، لم ورقك واطلع على أقرب فرع قريب من بيتك.