في الفترة اللي فاتت سمعنا عن ناس كتير من جنيسات مختلفة مشيوا من مصر ورجعوا لبلادهم، وفي ناس تانيين لسه موجودين.. ياتري اية هيا الشروط اللي حطتها مصر لتواجد غير المصريين. واية الاستفادة اللي بترجع علي مصر من النقطة دي

مصر واحدة من الدول اللي عندها اعداد وافدين كتير جدا ومن كل دول العالم، ووصل عددهم لـ9 مليون وافد وفقا لما أعلنه الدكتور مصطفي مدبولي رئيس مجلس الوزراء، واللي قال أن مصر استقبلت علي مدار السنين اللي فات ما يقرب من 9 مليون لاجئ من جنسبات مختلفة بسبب الحروب والصراعات اللي موجودة في بلادهم، وانهم عايشين ومتواجدين وبياخذوا نفس الحقوق اللي بيحصل عليها المواطن المصري.
طيب اية هيا شروك مصر لاستقبال الوافدين دول؟.
وزارة الداخلية أعلنت أن الحكومة المصرية بتسمح للأجانب الدخول لمصر وفقا لتصريح بالإقامة بيصدر لهم من قبل قطاع الجوازات وبتكون الإقامة مؤقتة أو دائمة، وبتكون الاقامة  المؤقتة في الغالب لمدة سنة وممكن يجددها، أما الاقامة الدائمة فبتكون لمدة 5 سنين .

طيب اية هيا الاوراق اللي لازم اللاجئ يوفرها علشان يدخل مصر أو يجدد الأقامة؟.
وزارة الداخلية أعلنت عن الأوراق الواجب توافرها مع الوافدين وهيا شهادة قيد عائلي، وشهادة قيد فردي وصورة من جواز السفر و 3  صور شخصية حديثة، وبطاقة الإقامة المنتهية الصلاحية، وإيصال سداد رسوم تجديد الإقامة، وشهادة حسن سير وسلوك من الشرطة، وجواز السفر الأصلي ويكون ساري ونسخة منه واثبات الإقامة في مصر سواء كان عقد إيجار أو إيصال كهرباء أو إيصال مياة، وشهادة من جهة العمل أو المدرسة أو أي مؤسسة أخرى تثبت سبب وجودك في مصر.
بعد ما اللاجئ يجهز الاوراق دي بيروح لمكتب الجوازات التابع لوزارة الداخلية قبل انتهاء صلاحية الإقامة الحالية، وبيقدمهم وبعدهم بياخذ تجديد الإقامة على جواز السفر.
طيب مصر بتستفاد اية من الاقامات دي؟.
مصر عندها أكثر من نوع للاقامة دي وطبعا كل اقامة ولها سعرها أولهم الإقامة السياحية ودي مدتها القانونية بتبدأ من شهر وتنتهي بسنة، تاني نوع وهو إقامة الطلاب ودي بتبقي مدتها من 3 أشهر وتنتهي بسنة ، وثالث نوع وهو الإقامة الاستثمارية ودي بتتراوح مدتها بين سنة لـ5 سنين،والإقامة العقارية ودي بتتراوح مدتها بين 3 و5 سنين،و إقامة المتزوجين من المصريين ودي مدتها بتتراوح بين سنة و3 سنين.