علي مدار سنتين فاتوا، مصر كانت عايشة في ظلام، وكل الناس عندها قلق لا مشكلة قطع الكهرباء ترجع تاني في الصيف اللي جاي.. ياتري هل فعلا الحكومة هتقطع الكهرباء علي الناس في الصيف اللي جاية.. والدنيا هتمشي ازاي

علي مدار اكثر من 365 يوم، الشارع المصري كان منور بأهله والكهرباء كانت بتبقي مقطوعة علي مدار ساعات بسبب خطة تخفيف الاحمال واللي بدأ في مصر بساعة واحد وبعدين وصلت ساعتين وبعدين بقت 3 ساعات، والمشكلة دي حصلت بسبب نقص امدادات الوقود اللي مصر بتستخدمه لتشغيل محطات توليد الكهرباء بسب نقص انتاج عدد من ابار البترول وخصوصا حقل ظهر.
طيب الحكومة بتفكر ازاي في تأمين الكهرباء لموسم الصيف اللي جاي؟.
من دلوقتي والحكومة بتجهز نفسها لفصل الصيف اللي جاي، وده بيحصل عن طريق طرق كتيرة أولهم من خلال وزارة البترول واللي شغالة بكل قوة علشان تأمن اجتياجات محطات توليد الكهرباء من البترول والغاز الطبيعي، وعلشان المحطات متقفش عن التشغيل وتفضل شاعة علي مدار الساعة لتوفير وانتاج التيار الكهربائي.
وزارة البترول كمان كان عندها اظمة في توفير التزاماتها الدولية لشركات التنقيب والبحث والاكشتافات البترولية من الدولارات وفعلا الحكومة دفعت جزء كبير  من فلوس الشركات الاجنبية اللي كانت متراكمة عليها، وفعلا اغلب الشركات رجعت تستأنف شغلها في مجال الكشف والاكتشافات البترولية من جديد، واهم شركة ايني الايطالية واللي بصدد حفر ابار جديدة بحقل ظهر لزيادة الانتاج اليومي من البترول والغاز الطبيعي .
وزارة الكهرباء والطاقة المتجددة شغالة هيا كمان علي تأمين التغذية الكهربائية للمواطنين من مصادر الطاقة المتجددة وكان اهم الشغل ده اللي افتتحه امبارح الدكتور مصطفي مدبولي رئيس مجلس الوزراء من محطة أبيدوس في أسوان بقدرة 500 ميجاوات ودي انتاجها بيعادل ربع انتاج السد العالي من التيار، وده أول تعاون بين وزارة الكهرباء والطاقة المتجددة مع المستثمرين الأمارتيين ، وفي الفترة اللي جاية هيكون في محطة جديدة برضوا بالتعاون بين الدولة والشركاء الامارتيين، ودي واحد من جدول طويل من الاتافيات وقعته الحكومة مع الشركاء الدوليين .
مش كده بس لا ده كمان الدولة أعلنت عن تسريع وتيرة الاعمال في مشروع الربط الكهربائي مع السعودية واللي هيدخل الخدمة مع بداية شهر مايو 2025، واللي هيكون البداية بتاعته بقدرة 1500 ميجاوات وهيكون التشغيل الكلي للمشروع مع نهاية 2025، وهتوصل القدرة الاجمالية للمشروع لـ3000 ميجاوات، ومشروع الربط الكهربائي المصري السعودي الهدف منه استغلال الطاقات بين البلدين في الأوقات الصعبة، بمعني أنهم لو عايزين كهرباء هياخذوا من عندنا او أحنا احتاجنا هناخذ منهم/ وده هيكون عن طريق خط كهربائي بيوصل طولة لـ1350 كيلو متر هيكون علي كابلات هوائية هيكون كمان منهم كابل كهربائي هيشمي تحت مياة البحر الاحمر علشان يربط اكبر شبكتين للكهرباء بالوطن العربي مع بعضهم البعض .