صناعة الأثاث من الصناعات العريقة في مصر واللي ليها سمعة دولية مرموقة وقدرت تنافس بيها مصر عالمياً.. ايه اللي بيحصل في صناعة الأثاث المصرية وازاي الرئيس السيسي أعاد ليها الحياة .. في التقرير ده هتعرفوا التفاصيل خليكم معانا للآخر

 
زي ما قلنا صناعة الأثاث المصرية ليها تاريخ عريق جدا لأنها كانت بتعتمد على العنصر البشري الماهر ومصر عندها افضل صنايعية أثاث في العالم وعشان كده دمياط بقت عاصمة صناعة النوع دا من منتجات الاخشاب وليها سمعة دولية معروفة ودا لأن الصناعة اليدوية بيكون ليها سعر خاص في الأسواق العالمية لأن بيكون فيها ابداع والحقيقة مصر قدرت تاخد مكانة مرموقة في الصناعة دي.. لكن مع مرور الأيام وتطور الصناعة كادت دمياط تفقد بريقها لولا تدخل الرئيس السيسي شخصيا وتوجيهاته بمساندة الصناعة المصرية وتطويرها وتحديثها وعشان كده ظهرت للنور مدينة صناعة الأثاث العالمية في دمياط ودي اللي رجعت الروح للصناعة المصرية العتيقة وخلالها ترجع تنافس من تاني.

ومعروف إن صناعة الأخشاب المصرية شهدت تطور كبير وملموساط خلال السنين اللي فاتت رغم التحديات الكبيرة التي واجهتها  ورغم جميع التحديات القطاع لسه بيسهم في الناتج المحلي الإجمالي بنسبة تصل إلى 2.2% سنويا، كمان بيسهم في نمو العديد من الصناعات التانية المرتبطة بصناعة الاخشاب زي صناعة الزجاج، الدهان، والمعادن، والتنجيد بأنواعه وغيرها من الصناعات ودا ساهم  في دعم مؤشرات الاقتصاد وخلق آلاف من فرص العمل.

واللي ميعرفوش كتير مننا أن مصر بتخطط تكون مركز إقليمي لصناعة الأثاث في الشرق الأوسط وأفريقيا، ودا زي ما قلنا إن الاثاث المصري بيحظى بسمعة جيدة من حيث جودة المنتجات ودقتها والذوق الفني في تصميمها واللي بيلبي كل الأذواق في الدول العربية والخليجية المستهدف الوصول إليها دا بخلاف موقع مصر الجغرافي المتميز واللي عزز ودعم وصول الأثاث المصري للأسواق الرئيسة المستهدفة بسهولة، كمان فيه ميزة تنافسية كبيرة في صناعة الأثاث المصري تتمثل في الانخفاض النسبي في تكلفة العمالة الفنية الماهرة.

وصناعة الأثاث بتتركز في عدة مناطق أهمها محافظة دمياط، واللي قدرت تحقق مكانة متقدمة على المستويين المحلي والدولي وشغال فيها 70% من القوة العاملة داخل المحافظة في صناعة الأثاث.

كمان توجه الحكومة بإنشاء مدينة دمياط للأثاث بتوجيهات رئاسية افتتحت في ديسمبر 2019، وهي من أهم المشروعات القومية المنفذة بهدف تطوير صناعة الأثاث بدمياط، وتحويلها من حرفة إلى صناعة تسهم بشكل قوي وفعال في الناتج المحلي المصري، وبوابة وصول الأثاث الدمياطي إلى الأسواق العالمية لتحقيق الهدف الاستراتيجي بأن تكون مصر مركزا إقليمي لصناعة الأثاث

وتوقعت التقارير الرسمية من غرف الصناعة وصول إيرادات سوق الأثاث المصري إلى نط 463.2 مليون دولار بنهاية عام 2024، كمان متوقع تحقق الإيرادات معدل نمو سنوي بنسبة 11.44%، ما يؤدي إلى حجم سوق متوقع قدره 796.1 مليون دولار بحلول عام 2029 ووفقا لإحصاءات المجلس التصديري للأثاث بلغت صادرات قطاع الأثاث 135 مليون دولار من يناير إلى يونيو 2024، وعدد منشآت قطاع الأثاث طبقا لاستراتيجية تطوير قطاع الأثاث 2017، هو 120 ألف منشأة، وحجم الإنتاج المحلي لقطاع الأثاث 2.5 مليار دولار عام 2016 وذلك طبقا أيضا لاستراتيجية تطوير قطاع الأثاث.