يا ترى هل في زيادة أقرتها الحكومة المصرية للعمالة غير المنتظمة ولا اللي بيتقال كلام سوشيال ميديا، طب لو في زيادة هتكون كام وهتتصرف امته، ومين هي الفئات المستحقة للزيادة دي.. لو عايز تعرف الإجابة شوف التقرير ده للآخر.
 

مع قدوم السنة الجديدة 2025، العمالة غير المنتظمة بتتنظر موعد صرف المنح اللي تم إقرارها لهم من الحكومة، واللي بيتم صرفها لهم في المناسبات المختلفة من كل سنة.

ونقدر نقول، إن في السنة الجديدة 2025، هيكون أول ميعاد لزيادة المنحة في شهر  يناير وده بمناسبة عيد الميلاد المجيد، ووقتها هيتم صرفا المنحة بالزيادة الجديدة التي أقرها وزير العمل، واللي قيمتها بتوصل ل 1000 جنيه بعدما كانت 500 جنيه بس.

طب امته تاني منح العمالة غير المنتظمة هتتصرف في 2025؟

بص يا سيدي، بالأرقام كده فعدد المسجلين في منحة العمالة غير المنتظمة لحد دلوقتي وصل لمليون و164 ألف و12 عامل، من بينهم 97 ألف و139 عامل تم إضافتهم للمنظومة بداية من سنة 2024، عشان كده بتسعى الحكومة للوصول لعدد 2.5 مليون عامل خلال الفترة الجاية .

والمنح دي بتكون دورية أو بتصرف بشكل مستمر، والجهة القائمة عليها هي وزارة العمل، وبتقدمها كنوع من الخدمات للعمالة غير المنتظمة، عشان كده هيتم زيادتها إلى مبلغ 1000 جنيه زي ما قولنا.

والمنح دي هتتصرف  في المناسبات، زي مثلا  عيد الميلاد المجيد الموافق 7 يناير الثلاثاء، وشهر رمضان المبارك 28 فبراير، وعيد الفطر المبارك، 30 مارس، وعيد الأضحى المبارك 7 يونيو، والمولد النبوي الشريف 4 سبتمبر، وعيد العمال 1مايو الخميس عيد العمال.

وكمان، بيتم صرف المنح دي من الحساب المركزي للعمالة غير المنتظمة بوزارة العمل،  والكلام ده بيؤكد ان الحكومة المصرية بتهتم جدا بالعمالة غير المنتظمة، وبتقدم لها كل سبل الرعاية والدعم تنفيذا لتوجيهات الرئيس عبدالفتاح السيسي رئيس الجمهورية.

وغير المنح دي، فوزارو العمل، بتقدم لهذه الفئة خدمات اجتماعية وصحية كمان، لأنها من الفئات الأكثر احتياجات.

ضيف على كل ده، إن الوزارة كمان بتقدم لهم خدمات في حالة وفاة العامل، فهنا بيتم صرف لورثته مبلغ مالي وقدره 10.000 جنيه، أما في حالة العجز الكلي فبيتم يصرف للعامل مبلغ مالي قدره 10.000 جنيه، وفي حالة العجز الجزئي بتصرف للعامل مبلغ مالي قدره 5.000 جنيه.

كمان، في حالة إجراء عملية جراحية كبرى فبيصرف للعامل مبلغ مالي قدره 5.000 جنيه، وفي حالة إجراء عملية جراحية صغرى يصرف للعامل فبتصرف مبلغ مالي قدره 2.000 جنيه.

وأخيرا، في حالة الوفاة لأحد أقارب العامل من الدرجة الأولى، فالوزارة بيصرف للعامل مبلغ مالي قدره 2.000 جنيه، وفي حالة الزواج فبتصرف 3.000 جنيه ولمرة واحدة فقط، وفي حالة المولود الأول والثاني يصرف للعامل مبلغ مالي قدره 2.000 جنيه، وفي حالة التوأم يصرف للعامل مبلغ مالي قدره 3.000 جنيه.

كمان، وزارة العمل بتتعاقد مع مستشفيات وصيدليات ومعامل للتحاليل عشان تخدم العمالة غير المنتظمة وتقدم لهم خدمة العلاج المدعم، وبيتم سداد كامل التكاليف من خلال الوزارة من الحساب المركزى للعمالة غير المنتظمة، وكل ده تجسيد حقيقي وقوي بأن عمال مصر في عيونها.