مصر هتبقي رقم مهم في سوق الدهب العالمي.. ايه اللي حصل وليه بنقول كده وايه اللي بيحصل في مناجم الدهب دلوقتي وازاي مصر هتغزو سوق المشغولات الذهبية في الأسواق العالمية.. خليكم معانا للآخر وهتعرفوا التفاصيل في الفيديو ده.

مصر من أوائل الدول اللي عرفت قيمة الدهب واكتشفت مناجم ليه وسط الجبال من أيام الفراعنة ولسه المناجم دي موجوده لغاية دلوقتى ومصر بردوا عندها مناجم مهمة جدا المعدن الأصفر واهمها طبعا منجم السكري واللي بيعتبر من أكبر 10 مناجم على مستوى العالم ودا غير الاكتشافات الجديدة اللي بنسمع عنها كل يوم ودا غير كنوز الدهب اللي لسه تحت التنقيب وعشان كده الحكومة راجعت موقفها في تجارة الدهب وقررت تستغل كل الإمكانيات المتاحة في البنية التحتية لصناعة الدهب وتتحول لوحش كبير في سوق الدهب العالمي.. بس ازاي دا هيحصل

شوف ياسيدي من كان ساعة شعبة صناعة الدهب طلعت تقرير قالت فيه إن خطة الحكومة المصرية بتستهدف دخول مصر ضمن أكبر 20 دولة مصدرة للمشغولات والمعادن الثمينة خلال 2025 يعني خلال السنة اللي جاية ودا وقت قصير جدا لكن الشعبة استندت في توقعاتها إلى تعاظم صناعة الدهب في مصر واللي ليها سمعة دولية ممتازة وعشان كمان الاكتشافات الأخيرة لمعدن الدهب في اكتر من منجم..

وبالارقام كشفت م شركة مناجم أبومروات لاستخراج الدهب، إنَّ الدراسات اللي بتجريها الشركة، حاليا لتقييم احتياطياتها من الدهب فى مصر تشير إلى أن الاحتياطى ممكن يقفز  إلى نص مليون أوقية، مقابل 150 ألف حاليا وحسب مصدرفى الشركة المشتركة المملوكة مناصفة بين الهيئة العامة للثروة المعدنية وشركة أتون، الكندية، إنها بموجب الاتفاقات يتعين عليها تسليم البنك المركزى كل ما يحتاجه من دهب.

وتوقعت وصول استثمارات الشركة فى مصر إلى 45 مليون دولار بنهاية 2024 مقابل 40 مليون دولار فى نهاية يونيو اللي فات وأعلنت «آتون» الكندية المساهم الرئيسى فى «أبومروات» عن نتائج إيجابية جديدة بعد عمليات فحص عينات سطحية داخل منطقة استكشافية بامتياز أبومروات فى الصحراء الشرقية وأوضحت الشركة، أنها وضعت خطط لتطوير منجم غرب الحمامة ليكون أول منجم يتم تشغيله فى الامتياز.
ونروح لمنجم السكري واللي أعلنت الشركة الجديدة اللي حصلت على حق تشغيله أن عندها خطط طموحة لرفع الإنتاج في أكثر منجم دهب مكشوف في العالم  وحاليا منجم السكري قرب على إنتاج 500 ألف أوقية (أونصة) من الدهب سنويا بشكل مستمر في الأمد الطويل ودا مع انتهاء برنامج لإعادة الاستثمار في العام الحالي.
ولسه مع الأرقام واللي بتقول إن مصر بتنتج حوالي 15.8 طن من الدهب سنويا وفق آخر إحصائيات مجلس الذهب العالمي، وعندها 270 موقع دهب، بينها 120 موقع ومنجم تم استخراج الدهب منها قديمًا، وتتوزع إلى 4 قطاعات، وارتفعت كمية احتياطي مصر من الذهب خلال العام الحالي 2024 وفقا لبيان وزارة البترول والثروة المعدنية.

كريم بدوي، وزير البترول كشف إن احتياطى مصر من الدهب يقدر بحوالى 7.3 مليون أوقية حاليا، وأنتجت العام المالى الماضي حوالى 560 ألف أوقية من الدهب وحوالى 17.5 مليون طن من المعادن التانية، ومخطط أن تصل إلى 800 ألف أوقية من الدهب و30 مليون طن من المعادن الأخرى خلال 2030، وسعى الوزارة لزيادة مساهمة قطاع التعدين في الناتج القومى إلى 5% بدلًا من أقل من 1% حاليًا، مؤكدا على مساعي تطبيق المزيد من الإصلاحات وجذب الاستثمارات لقطاع التعدين.