وصفت الإعلامية أميرة بدر، رجل الأعمال محمد فاروق، الذي أثار الجدل خلال الأيام الماضية بعد مطالبته بزيادة ساعات العمل في مصر إلى 12 ساعة يوميًا مدة 6 أيام في الأسبوع، معتبرًا هذا هو السبيل لتحقيق النجاح، رجل أعمال ناجح، موضحة: «حط تحت ناجح دي مليون خط».

وأضافت بدر خلال إحدى حلقات برنامجها «خلاصة الكلام» المُذاع عبر قناة «النهار»: «هو شايف أنه جزء من التقدم دلوقتي، وعلشان البلد دي والأمة دي تتقدم أن أحنا نضغط على نفسنا ونشتغل أكتر، وبعدين هو ماقلش لك هيجي على أجرك، ما الصين كدة والأجر بيبقى زيادة واللي بيشتغل الأوفر تايم بياخد زيادة»، لافتة إلى أنها دائمًا ما كانت تجتمع مع شخص يطمح لبدء مشروع جديد، كان دائمًا ما يجد مشاكل في العمالة.
 

-

وتابعت بدر: «لما السوريين جم مصر لقيناهم ناس شغيلة وبيشتغلوا طول اليوم وناجحين والمنتج بتاعهم قوي، لكن أحنا عندنا هنا كتير قوي عايز الشهادة يشتغل بيها، مش كل حد لازم يبقى معاه شهادة أصلا، أحنا محتاجين لأعمال تانية كمان، يعني في الدول المتقدمة اتنين بياخدوا شهادة الجامعة وكل الناس بتتعلم لغاية ما تخلص التعليم المدرسي بس لغاية الثانوية، والاتنين دول يا العبقري يا الغني، غير كدة بيشتغلوا شغلانة تانية بالساعة وبيكسبوا كتير جدًا».