عقب الإعلامي عمرو أديب، على صورة لقاء الرئيس السيسي اليوم، مع قادة القوات المسلحة، قائلا: «الصورة دي مش موجودة عند دول كتير حولنا في المنطقة».

وقال:"الصورة دي مش موجودة عند دول كتير من اللي حوالينا يعني لو اتصلت بدولة وقولتلها عايز أكلم وزير الدفاع أو وزير داخلية أو رئيس المخابرات هترد عليك وتقول هذا الرقم مرفوع مؤقتًا من الخدمة".

وأكد «أديب» خلال برنامج «الحكاية» المذاع عبر فضائية «إم بي سي مصر»، مساء الأحد، أنه عندما نرى هذه الصورة ندرك أننا أمام دولة، مضيفا: «دول أبناء مصر، ومن النسيج المصري، وهما موجودين عشانك، وهذا أمر هام، لذا نحن بلد لا يسقط، ومحدش يقدر يمسها بحاجة».

وأضاف: «اللي يسألني إيه اللى اتعلمته من سوريا.. هقولك إنت ثم إنت، مينفعش غيرك شعبك وجيشك، ومن الداخل لازم تكون متماسك وقادر تكون واقف على رجليك دايما»، كاشفا أن الرئيس بشار الأسد تلقى اتصالا أنه يرحل الآن.