تحدثت الفنانة أميرة فتحي، عن تجربتها بدخولها في وقت سابق بجروب ستات، والذي تتناول الزوجات فيه المشكلات الأسرية والأسرار مع أزوجاهم. 

وقالت أميرة فتحي في برنامج “ كلام الناس” مع الإعلامية ياسمين عز عبر قناة "MBC":" مرة دخلت جروب ستات وشوفت بلاوي مينفعش تتقال إزاي يتكلموا عن أسرار البيوت بالطريقة دي". 

وأضافت:" اكتفشت إن الستات بتتحرش أكثر من الرجالة.. وبعدين مينفعش اطلع أسرار بيتي برة، وشايفة إن الست الزنانة بشعة، أنا نفسي مقدرش استحملها". 

واستكملت الفنانة أميرة فتحي إن الرجل يمثل كل شيء في حياتها، مشيرة إلى أن جميع أصدقائها من الرجال.

وأشارت أميرة فتحي: «أنا أصدقائي كلهم رجالة، أنا معنديش ستات خالص، نادرًا».

وواصلت: «أنا مش عارفة إيه السبب؟ قعدت فترة زعلانة من القصة دي، لكن خلاص مش مشكلة، من وأنا في المدرسة ولغاية دلوقتي أصحابي كلهم رجالة».

واختتمت أميرة فتحي: «قريبين مني أوي وأقدر أتكلم معاهم، دايمًا اللي بيحبوني الستات اللي واثقة من نفسها، وللأسف في كتير أوي مش واثقين في نفسهم، للأسف مهزوزين».