الأربعاء 04/ديسمبر/2024 - 05:13 ص

علقت الفنانة جيهان خليل، على الانتقادات التي وجهت لها بسبب إطلالاتها في مهرجان الجونة السينمائي، والقاهرة السينمائي، خلال الفترة الماضية، موضحة أنها لا تهتم بالانتقادات.

وقالت جيهان خليل، في لقائها مع القاهرة 24: مبيشغلنيش انتقادات الإطلالات الجريئة خالص، ومجاليش قبل كده انتقادات أو هجوم من النوع ده، وأنا مش مهتمة بالنقطة دي، أنا بلبس في الغالب مريح، الناس ممكن ميعجبهاش لون أو قصة فستان، لكن ملبستش حاجة فجة أوي لدرجة أن يجيلي هجوم.

جيهان خليل: مدعمناش القضايا الإنسانية نبقى بنخون مبادئنا

وعلى جانب آخر، سبق وتحدثت الفنانة جيهان خليل، عن دعم القضية الفلسطينية والشعب اللبناني، من خلال المهرجانات الفنية، وآخرهم مهرجان القاهرة السينمائي، برئاسة الفنان حسين فهمي، قائلة: إحنا بندعم القضية اللبنانية والفلسطينية، دول ناس مظلومة واقع عليهم ظلم إنساني واضح وبين، أنا بالنسبة ليا لو بلد تاني لا أنتمي لها لا لغويًا ولا دينيًا ولكن لو وقع عليها ظلم إنساني هدعمها، وإحنا في الآخر يدوب بنتكلم وننزل على السوشيال ميديا، وبندعمهم عن طريق المهرجانات الفنية وده اللي نقدر نعمله، إحنا مش قادة إحنا يدوب فنانين، ويا رب الدعم ده يكون حتى لو توعوي.

وواصلت: لازم ندعم القضايا الإنسانية الفلسطينية واللبنانية وإلا نكون بنخون مبادئنا، أنا مبدعمش قضية علشان بنتمي ليها، أنا بدعم القضية علشان المظلوم، ولو جاتلي فرصة أني أخدم شخصية فلسطينية أو لبنانية هتشرف أني أعمل كده.