طرح الفنان عمرو مصطفى فيديو كليب بعنوان "أولى بيا" عبر قناته الرسمية على "يوتيوب".

"أولى بيا" من كلمات عز الدين، وألحان عمرو مصطفى، وتوزيع جابور، وماستر توم توم، وإخراج جابور.

وجاءت الكلمات كالتالي:

كدبوني قالوا عني فيه وفيه

حاولوا ياما يوقعوني وكنت أقوم

سيبتهم عشان يبان جواهم إيه

وكانوا إيه دول غير تراب على الهدوم

كنت فاكر بينا عمر وذكريات

كنت فاكر بينا عشرة وفيه أصول

بس أتاري قلبهم شايل حاجات

ويوم بيطلع مهما تمثيلهم يطول

ضهري ليكم

ياللي فيكم كل حاجة قولتوا فيا

إنتوا صفحة بقت قديمة

والنهاردة منتهية

ضهري ليكم

أما عيني باصة للدنيا اللي جاية

واللي ضاع مني بسببكم النهاردة أولى بيا

انكشفتوا ياللي كنتوا مخبيين

القسية جوة قلب مصدقوش

كل ده معقول كده مستحملين

تنافقوا روحكم تبدلوا بين الوشوش

مش نغير قلبي وأتغير عشان

ناس مفيش جواها قلب من الأساس

واللي يفرق عندي بكرة عن زمان

هو إني مش هقبل حياتي بأي ناس

وفي الآخر هنعمل إيه

هننسى وكل ده هنعديه

ده اللي هنطلع من الدنيا دي بيه