علق الفنان رامي صبري عن تعاونه مع الفنان تامر حسني في دويتو "مبيتنسيش" والمقرر طرحه قريبا.

قال "صبري" عبر صفحته الرسمية على موقع التواصل الاجتماعي فيس بوك: "أنا بشوف الصورة دي بشكل تاني خالص

أولاً تامر فنان أخ وغالي ومحترم (وواثق في نفسه) ودي للأسف مش موجودة كتير في مغنيين كتير ناجحين ولكن عندهم مشاكل كبيرة ومايعرفوش يبقوا زي الراجل المحترم اللي ماسك المايك ده".

تابع: "تامر حسني فنان كبير جداً جداً ولما اشتغلت أنا وهو في الديو اللي هينزل الفترة اللي جاية فهمت هو ليه محبوب جداً.. أولاً علشان عنده صفاء نفسي مش موجود عندي أنا شخصياً ???? اه والله أنا دايماً ليا رد فعل إنما هو بيسيب الحاجات زي ما هي ومابيحبش يرد ودي حاجة صعبة جداً جداً.. عاوز أقول مش كل فنان أو نجم يستحق.. لأن دايما الأخلاق واحترام زمايلك هو الموضوع مش بس الفن".

استكمل: "شكراً تامر حسني على ذوقك واحترامك ليا دايما في التصوير ودايما كنت تقولي أنت مبسوط ايه رأيك محتاج حاجة؟ كل ده ماينفعش يطلع غير من فنان حقيقي عنده إحساس بالناس والأهم واثق من نفسه

قريباً جداً هتشوفوا وهتسمعوا أغنية (فعلاً مبيتنسيش) على جميع منصات الموسيقى في العالم".

نرشح لك: تعليق تامر حسني على غنائه بالعربية مع مطربين عالميين