في رسالة مليئة بالحزن والألم، نعت هارتي، ابنة الفنان الراحل محمد رحيم، والدها برسالة مؤثرة عبر حسابها الرسمي على إنستجرام. شاركت هارتي مع متابعيها مقطع فيديو قديم لوالدها أثناء احتفاله بعيد ميلاده، حيث ظهر وهو في حالة فرح وسعادة غامرة. وكتبت قائلة: "أنت الجمال كله وكل حاجة حلوة يا بابا، يا أطيب وأحن قلب وأعظم فنان جيلك.. بحبك وفخورة إني شبهك وحتة منك... أنا وناس موجودين عشان تكمل تاريخك".

وأضافت هارتي: "بابايا وروحي ونور عيني، أنت أجمل إنسان اتخلق، أنا هعيش بيك طول حياتي وأوعدك إني هخليك فخور بيا يا بابا، أنا حتة منك وهفضل طول عمري حتة منك يا ملاك. مهما اتكلموا عنك، مش هيقدروا يوصفوك، أنت الحب، أنت الأمان، أنت الدفء وحنان قلوب البشر. أنا حاسة بيك معايا في كل لحظة يا قمر منور حياتي يا بابا بحبك بحبك بحبك يا حبي وقلبي أنا".