أجاب الداعية الإسلامي مصطفى حسني، على سؤال أحد المتابعين الذي سأله هل الميت تصل إليه سيئات أعماله التي تركت أثر في حياة الناس.

قال "حسني" خلال فيديو له نشره عبر حسابه الرسمي على موقع تبادل الصور والفيديوهات "إنستجرام": "عندنا حسنات وسيئات جارية، اللي يساعد حد في حاجة فيها خير، له أجره وأجر من عمل بها إلى يوم القيامة، والعكس صحيح، فالإجابة نعم إن لم يتب الإنسان ويصلح اللي أفسده ويرفع الأذى عن الناس".

أكد على أنه تصل إليه سيئات جارية بمعدل جريان الأذى على هؤلاء الناس الذين عاشوا في أذاه.

في سياق آخر وجه الداعية مصطفى حسني عدة نصائح لفتاة من المتابعات له مقبلة على الزواج.

قال "حسني" في مقطع فيديو عبر حسابه الشخصي على موقع تبادل الصور والفيديوهات إنستجرام: "أوصيكي بتقدير جوزك وتقدير أي هدية يجيبها وتشعريه دائما إن تعبه في الشغل علشان يجيب لقمة العيش دي حاجة كبيرة أوي، الحال ده بيخلي الراجل السوي يبقى في خدمة الست لما يشعر أنه كفؤ وإن مراته شايفة تعبه حاجة كبيرة".

تابع: "أوصيكي بخدمة جوزك، إن هو يبقى الأولوية الأولى، لو ربنا وفقك في الشغل أو أكرمك بخلفة يبقى جوزك هو الأولوية الأولى في حياتك".

اختتم: "الاحترام عند الخلاف، خدي بالك من نبرة صوتك لما تختلفي مع جوزك علشان الراجل لما مراته بتستقوى عليه في الخلاف، يا بيضعف ويسكت لأنه مش عايز يغلط فيها، يا بيتوحش".

نرشح لك: رمضان عبد الرازق: المراهنات على السوشيال ميديا حرام