الأربعاء 27/نوفمبر/2024 - 06:55 ص

أعرب الفنان أحمد مجدي، عن سعادته الكبيرة بحضورها فعاليات افتتاح الدورة الأولى من مهرجان الفيوم السينمائي الدولي لأفلام البيئة، مؤكدًا أن المهرجان سيكون المرجع للمهرجانات في كيفية عمل مهرجانات محافظة على البيئة.

وقال أحمد مجدي، في لقائه مع القاهرة 24: مهرجان الفيوم السينمائي الدولي لأفلام البيئة كان حلم كبير، وأنا كنت واثق أنه هيحصل لأن القائمين عليه هما اللي حققوا نجاح كبير في مهرجان أسوان، وده اللي طمني أن في خبرة ويطلع بشكل جيد ويتطور مع الوقت.

وتابع أحمد مجدي: كان طموحي أنه يبقى مهرجان بيئي وأننا نتعلم إزاي يبقى في أفلام مواضيعها بيئية ويبقى البصمة الكربونية بتاعتها قليلة، ويبقى مهرجان الفيوم مهرجان مرجعي لأي مهرجان تاني إزاي نحقق مهرجان يبقى عنده مسئولية بيئية.

أحمد مجدي: صناعة السينما ليست تجارية

وسبق وأن تحدث الفنان أحمد مجدي، عن صناعة السينما في لقائه مع القاهرة 24، قائلًا: صناعة السينما ليست تجارية، وأنا شايف أن الإنتاج السينمائي مينفعش يبقى الهدف منه الربح، المفروض يكون فيه مكتبة لكل شركة تبقى فخورة بيها تبقى أفلام بتشرف مصر جوا وبرا، ده بياخد وقت ومجهود وفلوس واستثمار، ودي الطريقة الوحيدة اللي نعمل بيها أفلام تعيش وتشرف صناعها.

مهرجان الفيوم السينمائي

يذكر أن مهرجان الفيوم السينمائي لأفلام البيئة والفنون المعاصرة تنظمه مؤسسة مسار للثقافة والفنون ويقام تحت رعاية محافظة الفيوم والدكتور أحمد الأنصاري محافظ الإقليم، ووزارة الثقافة ووزارة البيئة، وجامعة الفيوم والمركز القومي للسينما وهيئة تنشيط السياحة وشركة ريد ستار.