يا ترى امته وزارة النقل هتشغل المونوريل، والمشروع ده هيشتغل فين بالظبط، وهينقل كام راكب في اليوم، ورحلاته هتبقى منين وهتوصل لفين، وأسعار التذاكر كام.. هنقولك كل التفاصيل في الفيديو ده فتابعنا للآخر.
 

في الساعات الأخيرة، وزارة النقل أعلنت عن تقدم التشطيبات النهائية لمحطات مشروع مونوريل شرق النيل، اللي هو مونوريل العاصمة الإدارية، وده بيجي بالتزامن مع التشغيل التجريبي لأول قطار مونوريل  بدون ركاب في المسافة من مركز السيطرة والتحكم في بالعاصمة الادارية لحد محطة  المشير طنطاوي في التجمع الخامس.

وكتير مايعرفوش يعني إيه مونوريل، وهو عبارة عن قطر كهربائي صغير بيمشي على كمرة خرسانية، وبيتشغل من غير سواق، يعني عن طريق الكمبيوتر من غرفة التحكم المركزي، وشغال في أمريكا ودول أوروبية كتيرة.

كمان، المونوريل هو مشروع بيدخل مصر لأول مرة في التاريخ في عهد الرئيس عبدالفتاح السيسي، وهو وسيلة نقل حضارية وسريعة ونظيفة ومتطورة وكمان صديقة للبيئة وبتوقر وقت وجهد كتير، أكتر من مترو الأنفاق.

ووزار النقل بتنفذ مشروعين مونوريل، الأول هيربط المهندسين بمدينة 6 أكتوبر، والتاني مونوريل بيربط القاهرة بالعاصمة الإدارية.

وبيمتد مونوريل العاصمة الإدارية، من محطة الإستاد بمدينة نصر حتى مركز السيطرة والتحكم لمشروع المونوريل بالعاصمة الإدارية الجديدة بطول 56.5 كم، وبيشتمل على 22 محطة، وبيتم تنفيذه من خلال تحالف شركات ‏‏(ألستوم – أوراسكوم – المقاولون العرب).

أما مونوريل 6 أكتوبر أو  (شرق/غرب النيل)، فطوله 100 كم، وعدد محطاته 35 محطة، وبيتكون قطار المونوريل ‏من 4 عربيات، ومن المخطط زيادة عدد ‏العربات ب 8 عربات مع زيادة الكثافة السكانية ‏بالمناطق العمرانية الجديدة اللي بيخدمها.

ونقدر نقول، إن مونوريل شرق القاهرة في هيربط  القاهرة الكبرى بالمناطق والمدن العمرانية الجديدة الموجودة في شرق القاهرة، زي القاهرة الجديدة أو التجمع وكمان ‏العاصمة الإدارية، وكمان، هيساهم في تيسير حركة نقل الموظفين والوافدين من ‏القاهرة والجيزة إلى القاهرة الجديدة والعاصمة الإدارية.

ومش بس كده، ده الخط ده هيربط مع الخط الثالث لمترو  الأنفاق في محطة ‏الاستاد بمدينة نصر، ومع القطار الكهربائي الخفيف LRT بمحطة ‏الفنون والثقافة بالعاصمة الإدارية الجديدة.

وزي ما قولنا، المونوريل بيتم تنفيذه في مصر لأول مرة، وبيمثل نقلة حضارية ‏كبيرة في وسائل النقل ‏الجماعي، اللي بتتسم بأنها وسائل سريعة وعصرية وآمنة، وبتوفر استهلاك الوقود وبتخفض معدلات التلوث البيئي، وكمان بتخفف الإختناقات المرورية بالمحاور والشوارع الرئيسية، ‏وبتجذب الركاب لاستخدامها ‏بدلاً من السيارات الخاصة لتقليل إستهلاك الوقود.

كمان، الحكومة قررت تنفذه في الأماكن اللي بيصعب فيها تنفيذ خطوط المترو ووسائل النقل السككي التانية، عشان كدع بيتميز  بامكانية تنفيذه بالشوارع الضيقة والمزدحمة واللي لها انحناءات افقية كبيرة ومش محتاجة تعديلات كثيرة في المرافق.

ضيف على كل ده، إن مونوريل العاصمة الإدارية هيسهل حركة نقل الموظفين والوافدين من القاهرة والجيزة إلى مناطق شرق القاهرة زي التجمع الخامس والعاصمة الإدارية، وكمان بيتكامل مع الخط الثالث لمترو الأنفاق عند محطة الاستاد بمدينة نصر، ومع القطار الكهربائي الخفيف (LRT) عند محطة الفنون والثقافة بالعاصمة الإدارية.

وبالنسبة للمشكيين في مشروع المونوريل، فنقدر نقول إن المشروع ده هيخفف الضغط على الطرق، وهيقلل الازدحام المروري في الشوارع الرئيسية في المناطق الموجود فيها، ومقرر له يشتغل في الربع الأول من سنة 2025.

كمان، المونوريل هيدعم التنمية العمرانية، لأنه هيربط القاهرة بالمناطق الجديدة شرقًا، وده هيعزز النمو الاقتصادي، ومش بس كده ده هيقلل استهلاك الوقود وهيقلل التلوث لأنه وسيلة نقل خضراء وصديقة للبيئة.

كمان، المونوريل هيناسب المناطق  اللي فيها الانحناءات الأفقية الكبيرة والشوارع الضيقة، وهيعكس تحديث البنية التحتية للنقل في مصر، وكل ده هيعزز من مكانتها كدولة رائدة في تطوير أنظمة النقل الحديثة في المنطقة والعالم.