يا ترى سوق السيارات في مصر على السنة الجديدة 2025 رايح على فين، هل هيحصل ارتفاع في الأسعار ولا انخفاض ولا ممكن يحصل حالة من الاستقرار، ولو حد ناوي يشتري عربية على قد الايد إيه هو أفضل اختيار وأنسب وقت.. هنقولك كل التفاصيل في الفيديو ده فتابعنا للآخر. 

كتير من المصريين بيتابعوا سوق السيارت وأسعار الزيرو والمستعمل كل يوم، وده عشان يقدروا يقتنصوا فرصة كويسة عشان يشتروا عربية تغنيهم عن مشقة المواصلات ويقدروا يتحركوا بيها في أي وقت براحتهم. 

عشان كده، سوق السيارت في مصر دلوقتي خاصة في آخر أيام من سنة 2024، بيشهد حالة من تراجع المبيعات، وده بسبب ارتفاع أسعار السيارات محليا وعالميا، لكن في توقعات بتقول إن ممكن قريب جدا وعلى السنة الجديدة 2025، يحصل الانتعاشة لسوق السيارات. 

وتوقعات الانتعاشة دي سببها بدء العمل بالتصنيع المحلي من خلال 19 مصنعاذ في مصر ، عشان كده متوقع إن أسعار السيارت في السنة الجديدة 2025 هتنزل في مصر، عشان هتتوافر محليا وهنوفر فلوس الاستيراد والجمارك والذي منه.

وأغلب الخبراء توقعوا ركود مبيعات السيارات، وأرجعوا ده بسبب التأثر بالتغير اللي بتشهده أسعار العوامل المساعدة في هذه الصناعة، وكمان إيقاف الاستيراد الموازي والشخصي للسيارات، فكل ده ساهم في تصاعد ارتفاع الأسعار واللي تبعه بالتأكيد ركود في المبيعات. 

ونقدر نقول، إن ركود السوق وارتفاع السعر أدي لظهور "الأوفر برايس"، واللي هي إنك التجار والوكلاء بيضيفوا نسبة فوق تمن السيارة، عشان كده أسعار السيارات الشعبية لمعدلات ماسمعناش عنها قبل كده. 

وكمان، لما المستهلك بيتجه لشراء المستعمل بيتفاجأ بأنه مرتفع، ومع وقف الاستيراد الشخصي أصبح الإقبال على شراء السيارات الجديدة والمستعملة بيشهد تراجع كبير مقارنة بالسنين اللي فاتت. 

ضيف على كل ده، إن عودة النصر لتصنيع السيارات محليا، بتعتبر خطوة إيجابية ومهمة جدا، ولكنها لم تؤثر على وضع السوق كتير، لأنها بتعتمد على التجميع المحلي مش التصنيع، وهو ده اللي هيخلينا نواجه ارتفاع تاني في الأسعار، عشان كده لازم يتم العمل في التصنيع المحلي خلال الفترات الجاية. 

نيجي بقى لتوقعات أسعار السيارات في 2025، فمتوقع جدا استقرار السوق بشرط لكن ده هيكون مرتبط بستقرار أسعار العملة. 

ومتوقع إن أسعار سيارات بي واي دي، هتسجل خوالي 700 ألف جنيه، وكمان أريزو الشعبية هتسجل من 700 ل 800 ألف جنيه.

أما أعار سيارات نيسان صني، فمتوقع إنها تتراوح ما بين 700 ل 800 ألف جنيه. 

وطرازات بايك U5 Plus، متوقع تسجل أول فئة هاي لاين قيمة 874.900 ألف جنيه، وتاني فئة توب لاين قيمة 974.900 ألف جنيه، وثالث فئة EU5 الكهربائية وكان آخر قيمة لها مليون و300 ألف. 

أما أسعار سيارات هيونداي، فمتوقع إلنترا AD Smart تسجل 970 ألف جنيه، وهيونداي إلنترا AD Modern ب مليون و50 ألف، أما إلنترا AD طراز Topline هتكون بقيمة مليون و155 ألف.

أخيرا، توقعات أسعار سيارات شيري تيجو 8 موديل 2025، فممكن تبدأ من مليون و100 ألف جنيه.