الأربعاء 04/ديسمبر/2024 - 11:56 ص

عاتبت الفنانة عفاف شعيب، صديقتيها الفنانة سهير رمزي وشهيرة، بعد خلعهن الحجاب بعد 22 عاما على حد قولها، موضحة أنها لا تجد سببًا لخلع الحجاب بعد ارتدائه طيلة هذه الأعوام.

وقالت عفاف شعيب، في تصريحات تليفزيونية: أنا زعلت أن شهيرة وسهير رمزي بعد فترة طويلة أوي خلعوا الحجاب، يعني بعد 22 سنة تخلعوا الحجاب؟! ومعرفش ليه يخلعوا الحجاب بعد العمر ده، ما هما حلوين بالحجاب ومن غيره.

وأردفت عفاف شعيب: اللي يزعل يزعل، ربنا اللي بيحاسب العباد مش أنا، أنا لما اتحط في قبري محدش هيتحاسب معايا، كل واحد هيبقى له حساب لوحده.

سبب غياب عفاف شعيب عن الساحة الفنية

وعلى جانب آخر، سبق وكشفت الفنانة عفاف شعيب، سبب غيابها عن الساحة الفنية خلال الفترة الماضية، مضيفة أن آخر عمل شاركت به كانت ضيفة شرف في مسلسل محارب بطولة الفنان حسن الرداد، قائلة في تصريح خاص لـ القاهرة 24: مش لاقية حاجة عدلة والدنيا كلها مش في حالتها، وبيتعرض عليَّ أعمال تافهة مينفعش بعد مسيرتي وتاريخي أشارك فيها، ومشاركة الفنانين في أعمال لا تناسبهم شيفاها إن كل واحد حر.

وواصلت: أنا مقدرش أقول الفنان يبقا موجود أو لأ، لكن هما من حقهم يبقوا موجودين، ولكن أنا محبش أكون زيهم، يعني تاريخي ده كله مينفعش أطلع أي كلام، وبيتعرض عليا حاجات كتير بس مبوافقش عليها.